Мандзік В.А. Сучасная беларуская арфаэпія: норма і узус

Аўтарэферат дысертацыі на атрыманне вучонай ступені кандыдата філалагічных навук па спецыяльнасці 10.02.01 – беларуская мова. — Мінск, 2016. У рабоце падводзяцца вынікі выяўлення асаблівасцей дынамічных працэсаў арфаэпічнай нормы сучаснай беларускай літаратурнай мовы.
Навуковая навізна заключаецца ў тым, што дысертацыя з’яўляецца першым даследаваннем арфаэпічнай сістэмы беларускай літаратурнай мовы на сучасным этапе. У ёй распрацавана методыка вывучэння моўнага узусу трох асноўных сфер выкарыстання літаратурнай мовы – электронныя сродкі масавай інфармацыі (ЭСМІ), адукацыя, тэатр. На аснове аналізу фанетычных сродкаў з выкарыстаннем інструментальных метадаў апрацоўкі гукавога сігналу выяўлены тэндэнцыі і заканамернасці функцыянавання арфаэпічнай нормы ў маўленні носьбітаў літаратурнай мовы. Упершыню даследавана вымаўленне складаных слоў беларускай мовы.