Анесова Умит Г. Әлемнің тілдік бейнесіндегі символдар жүйесі

Алматы: Әл-Фараби атындағы ҚҰУ, 2014. — 143 б. 6D020500 – Филология мамандығы бойынша философия докторы (PhD) ғылыми дҽрежесін алу үшін дайындалған диссертация. Жұмыстың жалпы сипаттамасы. Символдың адам өміріндегі маңызы күнделікті өмірде өте жиі кездесетіндігімен түсіндіріледі. Кейбір символдар раушан гүлі (сұлулық, сүйіспеншілік), жүрек (махаббат), мәуелі ағаш (тамыры тереңге кеткен әулет), көгершін (бейбітшілік), бүркіт (еркіндік, өжеттілік) символы түрінде келсе, көбі керісінше, кең символдық мән иеленіп, жалпы заттардың көрінісіне айналады. Символдың мағыналары кеңейген сайын, олардың символдық мәні де арта түседі. Сол арқылы символдар адам ойы мен наным-сенімдеріне ықпал етеді, адамның рухани дүниесін байытып, өмір туралы көзқарасы мен түсінігін кеңейтіп, танымын арттыра түседі.