Вентцель Т.В. Романы чиб. Лылвари пиро чиб ваш III бэрш сыкляибэн

Москва: Государственное учебно-педагогическое издательство, 1932. — 88 с. Цыганский язык. Рабочая книга по родному языку для III-го года обучения. На цыганском языке. Романы школа инке нанэ барвалы джиныбнаса ваш лыжяибэн сыкляибэн пирО романы граматика. Пирдал адава лылваренгирэ авторэнгэ пиро родно чиб приджялапэ тэ кэрэс пэрва шпэры дрэ создыбэ сыкляибнытка лылваря пиро граматика прэ романы чиб. Пэрво, со приджялапэ тэ удыкхэс, адава нанэ тэрминология. Сари грамагическо терминология прэ романы чиб создэлапэ только акана. Тэрминология дрэ адая лылвари сыс сыкады автороса ваш обсэндякирибэ тэрминологическонэ комисиякэ, сави сы кэрды дрэ романы сэкция (Нацсэкторо Учпедгизо). Нэ чячипнытко прилыибэ авэла отэнчя, коли ёй проджяла джиды буты и коли ла прилэна т. т. сыкляибнаскирэ дрэ романы школа. Мэтодическа наухтылыбэна дрэ лылвари выджяна одолэстыр, со нанэ скэдыно мэтодическо джиныбэ пиро сыкляибэ романэ граматикакэ. Пирдал адава авторо джяла кэ т. т. сыкляибнаскирэ мангипнаса тэ дэс сыкаибэна ваш дуратуно пирибутякирибэ адая лылвари. Только кхэтанэ сыкляибнаскирэ и авторэнгирэ зорьяса дрэ пробутякирибэ пучибэна пиро мэтодика сыкляибэ романы чиб дрэ школа, только отэнчя, коли авэла скэдыно джиныбэ, можно авэла тэ дужакирэс лачи лылвари.