Усубалиев Б. Антонимдер жана аларды окутуу

Мугалим. ж-а филол.-студ. үчүн. — Ф.: Мектеп, 1987. — 144 б. — Библиогр.: б. 143-144 (33 аталыш). Антонимди изилдөө жана окутуу бул кубулуштун табиятын ачуудан башталат. Мында эки маселе чечмеленүүгө тийиш: 1) антонимди өзүнчө тилдик кубулуш катары кароонун өбөлгөлөрү, б. а., антонимдин негизги белгилерин ачып берүү; 2) антонимдердин реалдуу карама-каршылыкка болгон карым-катышын иликтөө, б. а., антонимдер сөздөрдүн гана карама-каршылыгыбы, же алар турмуштагы реалдуу карама-каршылыктын тилде чагылдырылышыбы деген суроону чечүү. Аталган маселелердин ар бири өзүнчө иликтөөнү талап кылгандыктан, аларды өз-өзүнчө бөлүп кароону эп көрөбүз.