Ученые записки, выпуск XXI. Сообщения

Чебоксары - 1962. 402с. Совет Союзенчи Коммунистсен партийĕн XXII-мĕш съезчĕ çĕнĕ Программа йышăнчĕ. КПСС Программи вăл политикăпа теори енĕпе пĕтĕм тĕнчипе калама çук пысăк пĕлтерĕшлĕ документ пулса тăрать. Унта этемлĕхĕн вăрăм историйĕ тăршшĕнче пуçласа коммунизм обществи тумалли наукă вĕрентĕвĕ çинче никĕсленсе тăракан татăклă плана кăтартса панă. Коммунизм тумалли çак аслă та пысăк планра пĕтĕм совет халахĕпе малта пыракан мĕн пур этемлĕх обществă аталăнавĕ хускатакан пур тĕп тата пысăк ыйтусене те тĕрĕс татса панине кураççĕ тата малашне те курса пырĕç. (Çавăнпа КПСС Программинче коммунизм тĕнчери пур çынсене те пурнăçри танмарлăхран, мĕн пур йышши пусмăрлăхпа эксплуатацирен, вăрçă хăрушлăхĕнчен хăтарни, çĕр çинчи мĕн пур халăхсен мирлĕ пурнăçне, Ирĕклĕ ĕçне, Ирĕклĕхне, Пĕр танлăхне тата Телейне çирĕплетни çинчен уçăмла та хавхалануллă каланă сăмахсене тĕнчере пур çĕрте те чĕререн кăмăлласа ырлаççĕ.