Токць С. Беларуская вёска ў эпоху зьменаў. Другая палова ХІХ

Подождите немного. Документ загружается.

341

жадалі браць улёткі сьпісу № 20: “З усёй сытуацыі было відаць, што сход ня

ўдаўся і не зацікавіў прысутных”

1108

Сябар гарадзенскага аддзяленьня Блёку нацыянальных меншасьцяў (яго

прозьвішча ў справаздачы мясцовага камэнданта напісана неразборліва)

прыехаў у Бершты 18 студзеня 1928 г. Ён сустрэўся з Уладзімірам

Паўлюкевічам зь Берштаў і Уладзімірам Гардзеем з Шкленску

1109

. Пра што

ішла размова, камэндант высьветліць ня здолеў, але, як паказалі ў будучым

вынікі выбараў, гэтая сустрэча ня мела посьпеху.

Перад выбарамі рэпрэсіі супраць былых грамадоўцаў толькі нарасталі.

Адначасова ўзмацнялася ўпэўненасьць мясцовай паліцыі ў перамозе

праўрадавага сьпісу № 1: “Наагул беларускае насельніцтва, калі сытуацыя ня

зьменіцца, можа, паводле рознабаковых зьвестак, на 60 % прагаласаваць за

сьпіс № 1, рэшта ж можа прагаласаваць за сьпісы № 10, 13, 18, 20. У вёсках,

населеных палякамі, невялікая частка галасоў можа быць аддадзена за сьпіс

№ 25”

1110

Вынікі выбараў у Сэйм, якія адбыліся 4 сакавіка 1928 г., сталі для

мясцовай паліцыі пэўнай нечаканасьцю. Камэндант з разгубленасьцю

паведамляў у Горадню, што былыя сябры БСРГ і цяперашнія сябры гурткоў

ТБШ у апошнія дні перад выбарамі неспадзявана зьмянілі свае думкі: сьпіс

нацыянальных меншасьцяў № 18, які меркавалі падтрымаць, памянялі на

пракамуністычны сьпіс № 13. Тыя вёскі ў гміне, дзе быў высокі аўтарытэт

былых грамадоўцаў, практычна цалкам прагаласавалі за гэты сьпіс. Цікава,

што, згодна зь неафіцыйнай інфармацыяй, атрыманай пастарункам паліцыі,

адным з самых актыўных агітатараў за сьпіс № 13 стаў войт Мікалай

Касьцевіч, які адначасова зьяўляўся старшынёй гміннага камітэту

Беспартыйнага блёку супрацоўніцтва з урадам. Актыўнасьць насельніцтва

была даволі высокай. Ужо а 9-й гадзіне раніцы каля выбарчых участкаў

сабраўся натоўп. Асабліва актыўна паводзіла сябе моладзь. Старэйшыя ж

людзі з аддаленых вёсак увогуле не прыехалі на выбарчыя ўчасткі. Усяго з

2226 выбарцаў на трох участках у Берштах, Сухарох і Зубраве прагаласавалі

1522 асобы. Вынікі выбараў выглядалі наступным чынам: № 1 — 464 галасы

(зь якіх 15 несапраўдных), № 2 — 3, № 10 — 13 (усе несапраўдныя), № 12 — 2

(усе несапраўдныя), № 13 — 704 (104 несапраўдныя), № 18 — 61, № 20 — 5,

№ 25 — 59, № 36 — 154 (121 несапраўдны). За праўрадавы сьпіс № 1

галасавалі пераважна вёскі з каталіцкім насельніцтвам — Краснае, Куцы Лес,

Новая Руда, Глушнева, Ельнікі, Кабялі, Шумы, Пагарэнда. Вёскі Раманава,

Дудкі і Матылі прагаласавалі за беларускі сьпіс № 36. Цікава, што на

тэрыторыі гміны напярэдадні выбараў амаль не распаўсюджваліся ўлёткі,

брашуры й нумаркі сьпісаў 13 і 36. Такім чынам, агітацыя праводзілася

пераважна ў вуснай форме. У цэлым, як засьведчыў камэндант паліцыі,

выбары адбыліся без эксцэсаў.

1108

“Z całej sytuacji było widać, Ŝe zebranie nie udało się i nie zainteresowało obecnych” (ДАГВ, ф. 38, воп. 1,

спр. 23, арк. 19 адг.).

1109

ДАГВ, ф. 17, воп. 1, спр. 171. [Сытуацыйныя справаздачы камэнданта паліцыі Гарадзенскага павету

за 1928 г.].

1110

“W ogóle ludność białoruska według wywiadów wszechstronnych, jeŜeli sytuacja nie zmieni się, moŜe

głosować do 60 % na listę № 1, reszta zaś moŜe głosować na listy № 10, 13, 18, 20. № 25 we wsiach

zamieszkałych przez polaków w małej ilości moŜe być oddany przy głosowaniu” (ДАГВ, ф. 38, воп. 1, спр. 23,

арк. 22 адг.).

342

Нявыгадныя ўладам вынікі галасаваньня падштурхнулі мясцовую паліцыю

да актыўных дзеяньняў, каб зьмяніць сытуацыю на выбарах у Сэнат. 9

сакавіка ў вёсках гміны адбыліся шматлікія вобшукі. У жыхара вёскі

Бераставіцы, былога скарбніка гміннага камітэту Грамады, Аляксандра Гіля

паліцыянты знайшлі лісты “да нейкага Федарука ў Горадню”. На наступны

дзень зноў былі праведзены вобшукі ў Бераставіцы ў хатах Віктара

Дарашкевіча і Антона Ханевіча, а таксама ў Косьцевічах у Лукаша

Лебядзевіча, Уладзіміра Паўлюкевіча ды Ўладзіміра Язэпчыка. Паводле

паліцыйнай справаздачы, “настрой у скамунізаваных сфэрах быў

прыгнечаны”. З 2146 асобаў, якія мелі права выбіраць паслоў у Сэнат,

прыйшлі галасаваць толькі блізу 30 %. Старэйшыя людзі ў большасьці сваёй

праігнаравалі гэтыя выбары. З страху перад рэпрэсіямі ўстрымаліся ад

галасаваньня нават некаторыя былыя грамадоўцы і сябры ТБШ. Астатнія ж

прагаласавалі за беларускі сьпіс № 43. Павятовая паліцыя 13 сакавіка 1928 г.

загадала камэндантам гмінных пастарункаў даслаць зьвесткі пра агітатараў

за сьпісы № 13 і № 43, адзначыўшы іх матэрыяльнае становішча, а таксама

сьпіс вёсак, жыхары якіх не галасавалі за вышэйназваныя сьпісы. Апошнім

рэкамэндавалася выдзеліць матэрыяльную дапамогу

1111

У справаздачы за 22 сакавіка камэндант паліцыі Берштаўскай гміны

паведамляў, што агульны настрой мясцовага насельніцтва з прычыны паразы

на выбарах сьпісаў № 13, 43 і 36 прыгнечаны

1112

. У справаздачы за 29

сакавіка ён адзначыў, што вёскі, якія галасавалі за “камуністычныя сьпісы”,

чакаюць рэпрэсій з боку ўладаў, таму ў гэтых вёсках значна палепшылася

санітарнае становішча, каб паліцыя ня мела магчымасьці пакараць іх

штрафамі

1113

Адной з галоўных прычын масавай падтрымкі беларускага руху

насельніцтвам Берштаўскай гміны польскія ўлады палічылі моцныя пазыцыі

беларускіх дзеячоў у мясцовым самакіраваньні. Так, у радзе Берштаўскай

гміны ў 1928 г. з 14 месцаў ім належала 12. Былымі грамадоўцамі ці іх

прыхільнікамі былі амаль усе солтысы (вясковыя старасты) ды іхныя

намесьнікі. У красавіку 1928 г. інспэктар павятовай сельскагаспадарчай рады

арганізаваў у Берштах сход для ўтварэньня крэдытнай касы “Стэфчыка”.

Такія касы павінны былі служыць разьвіцьцю мясцовай гаспадаркі.

Старшынёй гэтай установы ў Берштах прысутныя на сходзе гаспадары абралі

Уладзіміра Паўлюкевіча, сакратаром — Аляксандра Мілінкевіча, а скарбнікам

— Лукаша Лебядзевіча

1114

. Усе гэтыя асобы былі актыўнымі дзеячамі

беларускага руху. У справаздачы мясцовай паліцыі за красавік 1928 г.

гаварылася: “Амаль усе былыя грамадоўцы займаюць цяпер нейкія пасады і

ўсюды адыгрываюць ключавую ролю. Усім ім ад 25 да 35 гадоў, тым часам як

старэйшыя людзі, якія ў сапраўднасьці і павінны рэпрэзэнтаваць грамадзтва,

зусім адышлі ад справы, убачыўшы перавагу былых грамадоўцаў і цяперашніх

сяброў гурткоў Таварыства беларускай школы. Таму кожнага разу, калі справа

датычыць выбару складу камісій і да т.п., туды трапляюць былыя грамадоўцы,

1111

ДАГВ, ф. 38, воп. 1, спр. 29, арк. 36.

1112

ДАГВ, ф. 38, воп. 1, спр. 23, арк. 26.

1113

ДАГВ, ф. 38, воп. 1, спр. 23, арк. 27.

1114

ДАГВ, ф. 38, воп. 1, спр. 23, арк. 32.

343

бо занялі яны такую пазыцыю сярод мясцовага люду, што той адчувае сябе

бязь іх бездапаможным”

1115

25 сакавіка 1928 г. рада Берштаўскай гміны абмяркоўвала дадатковы

бюджэт. Радныя адхілілі прапанову дзяржаўнай адміністрацыі выдаткаваць

сродкі на ваенізаваную моладзевую арганізацыю “Вайсковая падрыхтоўка і

фізычнае выхаваньне” (Przysposobienie wojskowe i wychowanie fizyczne), бо яна

мела выразна шавіністычны характар. А 16 траўня рада гміны на сваім

паседжаньні пастанавіла матэрыяльна падтрымаць беларускую гімназію ў

Вільні й перадаць з гміннага бюджэту першую дапамогу ў памеры 300 злотых

дырэкцыі гэтай гімназіі. Ініцыятарам быў сам войт гміны Мікалай Касьцевіч,

які атрымаў з дырэкцыі гімназіі ліст-просьбу. На паседжаньні гміннай рады за

гэтую прапанову выказаліся 6 радных і 4 былі супраць. Прычым такую

дапамогу плянавалася пералічваць у Вільню цягам 5 гадоў. Дадзеная

пастанова выклікала моцнае абурэньне пастарунку, які нават папракаў

радных, што тыя зусім ня дбаюць пра бедных аднавяскоўцаў. Дарэчы, зь

вёсак Берштаўскай гміны ў Віленскай гімназіі на той час вучыліся Ян Верабей

зь Якубавічаў і Сяргей Дудка з Зубрава. Гэтых хлопцаў, як сьведчаць

матэрыялы мясцовай паліцыі, неаднаразова адтуль выключалі за ўдзел у

палітычных акцыях, у тым ліку і ў пратэстах супраць суду над лідэрамі

Грамады.

Натуральна, што дзяржаўная ўлада паспрабавала зьмяніць непажаданую

для сябе сытуацыю ў мясцовым самакіраваньні. Паліцыйны камэндант

Берштаў пісаў з абурэньнем, што радныя гміны “не цікавяцца лёсам гміннай

гаспадаркі, а толькі бароняць і падтрымліваюць беларускія справы і ўвогуле

беларускі рух”

1116

. А як што амаль уся рада складаецца з былых грамадоўцаў,

то, на думку камэнданта, няма нічога дзіўнага, “што беларускі люд, зь якога

пры ўмелым правядзеньні адпаведных рэформаў можна зрабіць ляяльных

грамадзян, ня можа да гэтага прыйсьці, бо на кожным кроку яго агітуюць

супраць дзяржавы”

1117

. У траўні быў арыштаваны радны гміны зь Якубавічаў

Ян Траян. Прычынай паслужыла тое, што Траян “на вуліцы ў вёсцы Бершты

сабраў каля сябе чалавек дзесяць і агітаваў супраць польскага школьніцтва, а

таксама заклікаў прысутных асудзіць непрыяцеляў беларускага руху,

падтрымаць былых паслоў Валошына, Тарашкевіча ды іншых, якія пакутуюць

у турме за Беларусь, і дапамагчы ім сродкамі”

1118

. Траян за гэта быў

пазбаўлены права засядаць у гміннай радзе. Такім чынам, паступова

адбывалася “чыстка” самаўрадавых установаў ад непажаданых для ўлады

1115

“b. hromadowce obecnie zajmują prawie kaŜdy stanowisko urzędowe lub społeczne i wszędzie mają

znaczenie decydujące. Są oni od lat 25 do 35, zaś starsza ludność, która rzeczywiście reprezentuje

społeczeństwo, zupełnie odsuwa się wszystkiego, widząc w działalności przewagę po strone b. hromadowców i

obecnych członków Towarzystwa Szkoły Białoruskiej. Dla tego teŜ przy kaŜdej sposobności, jak chodzi o wybór

członków i komisji i t.d., wejdą b. hromadowcy gdyŜ zajęli oni taką pozycję wobec ludności miejscowej, Ŝe ta

czuła się bezradnie bez nich” (ДАГВ, ф. 38, воп. 1, спр. 23, арк. 33 адг.).

1116

“nie patrzą na lose gospodarki gminnej jedynie bronią i popierają sprawy białoruskie i w ogóle ruch

białoruski” (ДАГВ, ф. 38, воп. 1, спр. 23, арк. 42 адг.).

1117

“Ŝe ludność białoruska z której przy umieętnem zastosowaniu odpowiednich reform moŜna zrobić

lojalnych obywateli, nie moŜe przyjść do tego, gdyŜ wszędzie i na kaŜdym kroku jest agitowana na szkodę

Państwa” (ДАГВ, ф. 38, воп. 1, спр. 23, арк. 42).

1118

“na ulicy we wsi Berszty gromadząc koło siebie do 10 osób agitował przeciwko szkolnictwu polskiemu oraz

nawoływał obecnych by przeciwników ruchu białoruskiego wytępili, oraz by popierali і dopomogali środkami b.

posłom Wołoszynowi, Taraszkewiczowi i innym, którzy cierpią w więzieniu dla Białorusi” (ДАГВ, ф. 38, воп. 1,

спр. 23, арк. 42 адг.).

344

асобаў. У красавіку 1928 г. у вёсках Берштаўскай гміны праходзілі выбары

солтысаў і іх намесьнікаў. Паводле дадзеных паліцыі, былыя “грамадоўцы”

актыўна праводзілі на гэтыя пасады сваіх кандыдатаў. Камэндант паліцыі

сьцьвярджаў, што пры гэтым яны абмінулі ўвагай старэйшых і найбольш

вопытных гаспадароў, якія, на яго думку, павінны рэпрэзэнтаваць мясцовае

грамадзтва. Ён зьвярнуўся да павятовага стараства з просьбай не

зацьвярджаць тых кандыдатаў, якіх лічыў неляяльнымі да польскай улады.

Моцна паўплывалі на настрой беларускага насельніцтва Берштаўскай

гміны зьвесткі пра завяршэньне судовага працэсу над лідэрамі Грамады і

асуджэньне іх на працяглыя тэрміны турэмнага зьняволеньня, а таксама

інфармацыя, якая прыходзіла ў гэты час з БССР. Так, у канцы траўня 1928 г.

вярнулася з паездкі ў Савецкі Саюз Марыя Хохава, жонка мясцовага

беларускага дзеяча Яна Хохі з засьценка Новішча. Паводле яе аповядаў,

жыцьцё ў савецкай краіне было вельмі цяжкім, а ўсе былыя партызаны, якія ў

свой час зьбеглі ў БССР, практычна галадаюць і залічаныя ўладамі да

трацкісцкай апазыцыі

1119

. Гэтая інфармацыя супярэчыла ўяўленьням

мясцовых сялянаў пра шчасьлівае і багатае жыцьцё ў савецкай краіне.

Моладзь абуралася такімі аповядамі і не хацела ім верыць. Многія мясцовыя

актывісты марылі трапіць у СССР. Некаторыя зь іх у розныя гады рабілі

спробы нелегальна перайсьці савецка-польскую мяжу: актыўны грамадовец зь

Якубавічаў Ян Траян, бібліятэкар гуртка ТБШ у Якубавічах Мацей Верабей,

скарбнік гуртка Грамады у Берштах Аляксандар Гіль. На пачатку чэрвеня

1927 г. у СССР уцяклі былыя сябры берштаўскага гуртка БСРГ Бенедыкт

Шынкевіч і Марыя Даніловіч (дачка скарбніка берштаўскага гуртка)

1120

. Былы

старшыня гміннага камітэту Грамады Максім Шаставіцкі быў узяты на службу

ў польскае войска, адкуль разам з амуніцыяй таксама зьбег у СССР.

Прасавецкія сымпатыі падзяляла і частка жыхароў каталіцкіх вёсак гміны.

Напрыклад, у 1935 г. у Менск уцёк малады хлопец Антон Русілка з Новай

Руды, які раней быў нават сябрам шавіністычнага “Стралецкага зьвязу”.

Праўда, паводле зьвестак паліцыі, у БССР яго адразу ж арыштавалі

1121

Улетку 1928 г. пачынаецца заняпад, а затым і самаліквідацыя гурткоў

ТБШ. На пачатку чэрвеня ў паліцыю пісьмова паведамілі пра самароспуск

сябры Шчанецкага гуртка. Супраць самаліквідацыі выступіў толькі былы

настаўнік з засьценка Новішча Ян Хоха. Праўда, шчанецкі гурток актыўнай

асьветнай дзейнасьці, калі меркаваць з матэрыялаў паліцыі, не праводзіў. У

канцы гэтага ж месяца выйшла з складу гуртка ў Якубавічах бальшыню

ягоных сяброў. Толькі бібліятэкар гуртка Мацей Верабей упарта працівіўся яго

самаліквідацыі. Галоўнай прычынай зачыненьня гурткоў камэндант

пастарунку лічыў дзейнасьць паліцыі, пра што з задавальненьнем паведаміў у

Горадню: “Да заняпаду гурткоў... найбольш спрычыніўся пільны нагляд

паліцыі за тымі дзеячамі і накладаньне на іх штрафаў за розныя дробныя

парушэньні. Убачыўшы, што сваю дзейнасьць разгарнуць ня здолеюць, яны

змушаныя былі выйсьці з таварыства”

1122

1119

ДАГВ, ф. 38, воп. 1, спр. 23, арк. 43 адг.

1120

ДАГВ, ф. 38, воп. 1, спр. 22, арк. 127 адг.

1121

ДАГВ, ф. 38, воп. 1, спр. 77, арк. 11.

1122

“Do rozkładu hurtków... najwięcej przyczynił się scisły nadzór nad tymi działaczami ze strony policji i

sciąganie ich za róŜne drobne przewinienia. Widząc, Ŝe działalność swoją rozwinąć nie mogą z powodu tego

zrezygnowali z nаleŜenia do hurtków” (ДАГВ, ф. 38, воп. 1, спр. 23, арк. 49).

345

У жніўні 1928 г. у Берштах быў утвораны гурток ваенізаванай арганізацыі

Ліга паветранай абароны Польшчы”, кіраўніком якога стаў паліцыйны

камэндант Эміль Лінднэр

1123

. У канцы жніўня апошні пісаў у Горадню: “З

агульнага настрою беларускага насельніцтва, на 60 % цёмнага і

непісьменнага, відаць, што яно цалкам пад уплывам былых грамадоўцаў ды іх

прыхільнікаў і давярае ім”

1124

. Ён таксама адзначыў, што беларускія газэты

прыходзяць у вёску па-ранейшаму досыць рэгулярна. У лістападзе 1928 г.

Лінднэр заўважыў, што “заможнейшыя гаспадары, хоць і не прыхільныя да

ўлады і дзяржаўнага ладу, паводзяць сябе спакойна і палітычнымі справамі не

займаюцца”

1125

. Ён прызнаў, што асаблівае незадавальненьне мясцовых

жыхароў выклікаюць высокія падаткі на зямлю, якую яны нават не

абрабляюць, бо гэта “цэлае мора лятучага белага пяску, на якім нават лес не

расьце”

1126

. У сьнежні 1928 г. камэндант заўважыў, што беларускія газэты

прыходзяць у вёскі ў меншай колькасьці, чым раней

1127

. Ён таксама адзначыў,

што паміж мясцовымі актывістамі няма ўжо такога аднадумства, як раней.

У 1929 г. працэс заняпаду беларускага руху працягваўся. Як пісаў

камэндант паліцыі, ужо не прыходзілі ў вёскі гміны беларускія газэты й

часопісы. Тым часам польская адміністрацыя актывізавала сваю культурна-

асьветную дзейнасьць. 25 лютага 1929 г. у Бершты прыехаў зямельны

інспэктар павятовага сэйміку Барташэвіч, якія прачытаў лекцыю пра

сучасныя мэтады арганізацыі сельскай гаспадаркі. Прысутнічала 60 асобаў,

сярод іх толькі 15 гаспадароў

1128

. На пачатку сакавіка 1929 г. настаўніца

берштаўскай школы Ядвіга Фалькоўская падрыхтавала для жыхароў лекцыю

пра шкоду алкаголю. Прычым у якасьці дапаможнага сродку выкарыстала

праекцыйную лямпу. Але паслухаць лекцыю прыйшлі толькі 5 жанчын

1129

. У

траўні 1929 г. пачалася будоўля ў Берштах народнага дома, а ў ліпені быў

уладкаваны стадыён і ўтворана аддзяленьне ваенізаванай арганізацыі

“Вайсковая падрыхтоўка і фізычнае выхаваньне”

1130

. У верасьні 1929 г.

кіраўніком гэтай арганізацыі ў Берштах абралі Яна Язэпчыка, сакратаром —

настаўніка Мечыслава Грыца, а скарбнікам — Яна Русілку

1131

У чэрвені 1929 г. былы грамадовец Аляксандар Гіль атрымаў па пошце

беларускі тыднёвік “Сьвет”

1132

, а ў канцы 1929 г. некалькі былых грамадоўцаў

— беларускую “Нашу газэту”, у якой быў заклік да барацьбы за беларускія

школы. Гэтая газэта была ў іх канфіскаваная паліцыяй.

У сьнежні 1929 г. Уладзімір Гардзей з Шкленску атрымаў ад беларускіх

паслоў у Сэйме ліст з просьбай падаць інфармацыю пра дзейнасьць мясцовага

1123

ДАГВ, ф. 38, воп. 1, спр. 23. арк. 60.

1124

“Widać z ogólnego nastroju ludności białoruskiej, która ciemna i niepiśmienna na 60 % , zupełnie podlega i

ufa b. Hromadowcom i ich sympatykom” (ДАГВ, ф. 38, воп. 1, спр. 23, арк. 61).

1125

“gospodarze zamoŜniejsze, chociaŜ nie są oni przychylni do władz i ustroju Państwa — jednak

zachowywują się spokojnie i sprawami politycznymi nie sajmują się” (ДАГВ, ф. 38, воп. 1, спр. 23, арк. 87).

1126

“całe morze lotnego białego piasku, na którym nawet las nie rośnie” (ДАГВ, ф. 38, воп. 1, спр. 23, арк.

87).

1127

ДАГВ, ф. 38, воп. 1, спр. 23, арк. 88.

1128

ДАГВ, ф. 38, воп. 1, спр. 35, арк. 61. [Сакрэтныя тыднёвыя справаздачы камэнданта паліцыі ў

Берштах за 1929 г.].

1129

ДАГВ, ф. 38, воп. 1, спр. 35, арк. 58.

1130

ДАГВ, ф. 38, воп. 1, спр. 35, арк. 38,42.

1131

ДАГВ, ф. 38, воп. 1, спр. 35, арк. 20.

1132

ДАГВ, ф. 38, воп. 1, спр. 35, арк. 38, 42.

346

гуртка ТБШ, але, паводле паліцыі, ліст той зьнішчыў і нічога не адказаў

1133

. 4

студзеня 1930 г. жыхар Шкленску 24-гадовы Уладзімір Шышко, былы сябра

БСРГ і ТБШ, на вясковай вуліцы публічна сьпяваў песьню “Ад веку мы спалі”.

Па гэтай справе паліцыяй было праведзенае сьледзтва і камэндант напісаў:

«Увогуле настрой сярод беларусаў узьнёслы і непрыхільны — чакаюць яны

“перавароту” і зьмены польскай улады, пры гэтым спадзяюцца на дапамогу

бальшавікоў у рэвалюцыі, якая, на іх думку, павінна канечне адбыцца»

1134

Цэнтральнае кіраўніцтва ТБШ спрабавала ажывіць дзейнасьць сваіх

мясцовых структур. У канцы сьнежня 1929 г. былы сакратар гміннага

камітэту БСРГ Мікалай Касьцевіч атрымаў ліст з Цэнтральнай управы ТБШ з

заклікам актывізаваць культурна-асьветную працу. Мясцовыя актывісты

пастанавілі правесьці дзеля гэтага сход у хаце Аляксандра Сінілы ў Засадах.

Туды зьбіраліся прыехаць таксама Мацей Верабей і Ян Траян зь Якубавічаў.

Але паліцыя, даведаўшыся пра гэта, адразу пачала праводзіць вобшукі. У хаце

Мацея Вераб’я знайшлі леварадыкальныя польскія газэты “Самапомач

хлопска” (“Сялянская самадапамога”) і “Жыце млодзежы” (“Жыцьцё моладзі”),

якія ён бясплатна атрымліваў на пошце ў вёсцы Новы Двор.

А на пачатку студзеня 1930 г. былі арыштаваныя Мікалай Касьцевіч,

Аляксандар і Юры Сінілы, Ян Траян, Лукаш Лебядзевіч, Міхал Гардзей, Андрэй

Наско, а таксама мясцовыя летувіскія дзеячы Антон Траяновіч, Войцах

Павайба і Антаніна Пашкоўская. Іх абвінавацілі ў шпіянажы на карысьць

Летувы. Падставай для арышту паслужыла тое, што ў канцы сьнежня 1929 г.

дэфэнзыва затрымала ў Горадні Юрыя Сінілу, малодшага з трох братоў. У яго

была знойдзена шыфраваная запіска, якая, па зьвестках паліцыі, утрымлівала

інфармацыю для летувіскіх спэцслужбаў, колькі хлопцаў у Берштаўскай гміне

ўступіла ў шавіністычны “Стралецкі зьвяз”. Дэфэнзыва сьцьвярджала, што ў

Берштаўскай гміне нібыта працавала цэлая шпіёнская арганізацыя на чале з

Аляксандрам Сінілам. Ён падтрымліваў сувязь з сваім братам Уладзімірам,

былым настаўнікам. Апошні ў 1926 г. нелегальна перайшоў у БССР, а адтуль

быў накіраваны ў Летуву, дзе працаваў у летувіскай выведцы ў Мерачы

1135

На пачатку чэрвеня 1930 г. арыштаваным быў вынесены прысуд. Па 6

гадоў турмы атрымалі Аляксандар Сініла і Мікалай Касьцевіч, а Лукаш

Лебядзевіч — 5 гадоў

1136

. Сінілу, апрача таго, забаранілі пасьля вызваленьня

вяртацца ў Бершты.

Гэтыя арышты і далейшы суворы прысуд нанесьлі моцны ўдар па

беларускім руху ў Берштаўскай гміне. Сярод былых актывістаў Грамады

запанавалі упадніцкія настроі. Большасьць мясцовага насельніцтва страціла

веру ў посьпех барацьбы з польскай дзяржавай. Многія пачалі дэманстраваць

ляяльнасьць да дзяржаўнай палітыкі. Напрыклад, на пачатку лютага 1930 г.

дырэктар берштаўскай школы Мечыслаў Грыц арганізаваў з вучнямі

аматарскую пастаноўку на польскай мове “Młynarz i kominarz”, на якой

1133

ДАГВ, ф. 38, воп. 1, спр. 42, арк. 326. [Перапіска камэнданта паліцыі ў Берштах за 1930 г.].

1134

«Na ogół nastrój wśród białorusinów jest podniesiony i nieprzychylny — oczekują oni “przewrotu” i

odejścia władz polskich spodziewają się natomiast pomoc i poparcie bolszewików przy przyszłej rewolucji,

której... ich zdania musi nastąpić» (ДАГВ, ф. 38, воп. 1, спр. 42, арк. 339).

1135

Дзяржаўны архіў у Беластоку, фонд беластоцкага ваяводы, спр. 52, арк. 9. [Перапіска камэнданта

паліцыі ў Берштах за 1932 г.].

1136

Аляксандр Сініла памёр у турме, а Мікалай Касцевіч вярнуўся дахаты цяжка хворы.

347

прысутнічалі каля 30 асобаў

1137

. 13–20 лютага праходзіў у Берштаўскай гміне

тыдзень, прысьвечаны польскай авіяцыі й супрацьпаветранай абароне. На

адмысловай лекцыі ў вёсцы Якубавічы сабралася 120 асобаў, а пасьля яе

заканчэньня адбыліся танцы.

Спробы ажывіць беларускі рух, якія рабілі розныя дзеячы зь Вільні, ня мелі

посьпеху. Так, 17 лютага 1930 г. у паштовае аддзяленьне ў Берштах прыйшлі

4 паасобнікі беларускай газэты “Наперад” для Мікалая Касьцевіча і Яна

Вераб'я, а таксама для Кузьмы Седлярэвіча з Замасьцянаў і Уладзіміра

Ушкевіча з Сухароў

1138

. Але гэтыя газэты нават не былі забраныя з пошты.

Магчыма, прычынай было тое, што выдаўцоў газэты Антона Луцкевіча і

Радаслава Астроўскага, як і многіх іншых дзеячоў, якія не падтрымлівалі

КПЗБ, у леварадыкальных пракамуністычных колах лічылі здраднікамі. І ўсё ж

у справаздачы за І квартал 1930 г. камэндант берштаўскай паліцыі

паведамляў у Горадню, што “былыя сябры БСРГ і ТБШ таемна сустракаюцца і

надалей робяць беларускую справу, але насельніцтва не падтрымлівае іх,

баючыся жорсткіх рэпрэсіяў ўлады; гэтая дзейнасьць не прыводзіць да

плянаванага імі шырокага беларускага руху, хоць яны і надалей спадзяюцца,

што іхныя заклікі знойдуць водгук у мясцовага беларускага люду”

1139

Разгром беларускага руху і рэпрэсіі супраць ягоных лідэраў,

няспраўджаньне надзеяў на перамогу ды хуткія зьмены да лепшага выклікалі

імклівы рост рэлігійна-містычных настрояў сярод беларускага сялянства. У

Берштах, напрыклад, нібыта назіралася зьява цудоўнага абнаўленьня абразоў

у хатах сялянаў. 24 жніўня 1930 г. у хаце Ганны Шышка з Косьцевічаў

абнавіўся абраз Сьвятога Панцеляймона, які быў урачыста перанесены

вяскоўцамі да царквы. Цягам яшчэ некалькіх дзён у вёсцы абнавіліся адразу 7

абразоў. Чуткі пра цуд хутка абляцелі навакольныя вёскі, і ў Бершты рушылі

натоўпы пілігрымаў. Так, 13 верасьня 1930 г. сюды прыйшлі пешшу блізу 200

вернікаў зь мястэчка Азёры. Самыя берштаўцы хадзілі хросным ходам да

Калоскае царквы ў Горадню. Мясцовая паліцыя да гэтых цудаў паставілася

даволі скептычна: “Людзі шчыра вераць у цуд і на розныя акалічнасьці не

зьвяртаюць ўвагі. Гэта вельмі паўплывала на ўздым веры, якая пачала была

траціць тут сваіх прыхільнікаў”

1140

. Якраз у гэты час распачалася судовая

справа аб перадачы Берштаўскай царквы каталіцкаму касьцёлу на той

падставе, што калісьці яна была вуніяцкай. Паліцыя падазравала, што

мясцовы бацюхна сам інсьпіраваў цуды, каб мабілізаваць сваіх прыхаджан на

барацьбу за храм. Цікава, што паліцыйны камэндант адначасова паведамляў

у Горадню пра поўную ляяльнасьць берштаўскага сьвятара Яна Арлова да

ўладаў і польскай дзяржавы. Той мае вялікі ўплыў на прыхаджан, і таму,

паводле меркаваньня камэнданта, было б памылкаю пераводзіць яго ў іншае

месца, асабліва напярэдадні парлямэнцкіх выбараў. Але вялікая частка

берштаўцаў, асабліва жанчын старэйшага ўзросту, шчыра верыла ў цуды.

1137

ДАГВ, ф. 38, воп. 1, спр. 42, арк. 321.

1138

ДАГВ, ф. 38, воп. 1, спр. 42, арк. 307 адг.

1139

“b. członkowie B.W.R.H. i b. członkowie T.S.B. w ukryciu stykają się i nadal skrycie prowadzą między sobą

wywody ruchu białoruskiego, jednak nie mają poparcia ze względu na obawę przed srogimi represjami władz i

ich działalność nie doprawadza do zamerzonego ruchu białoruskiego, lecz nadal zachowują nadzieje Ŝe ich

hasła znajdą poparcie u miejscowej ludności białoruskiej” (ДАГВ, ф. 38, воп. 1, спр. 42, арк. 257).

1140

“Ludność swięcie wierzy w cud i na wszelkie perswazja nie zwraca uwagi. Wpływało to znacznie na

podniesienie wiary która poczęła tutaj tracić swoich zwolenników” (ДАГВ, ф. 38, воп. 1, спр. 42, арк. 115).

348

Гэтая вера для многіх была адзіным выйсьцем з надзвычай цяжкага

становішча. Такі своеасаблівы праваслаўны фундамэнталізм быў праявай

духоўнага радыкалізму, характэрнага для значнай часткі вясковага

грамадзтва ў крызысны час.

Зьявай падобнага пляну быў і радыкалізм маладых прыхільнікаў камунізму,

якія адкрыта дэкляравалі свой атэістычны сьветапогляд. Выклікам традыцыі

сталі нецаркоўныя, цывільныя шлюбы, якія брала радыкальна настроеная

моладзь. У чэрвені 1927 г. у Берштаўскай гміне такія шлюбы пабралі Уладзімір

Павядайка з Дамінікай Русілкай у засьценку Воўчая Яма і Аляксандар Верабей

з Натальляй Грыгарэвіч у вёсцы Якубавічы

1141

Своеасаблівымі ўцёкамі ад безвыходнай рэчаіснасьці стала таксама

далучэньне часткі вяскоўцаў да розных пратэстанцкіх сэктаў. На пачатку

1930 г. у вёсцы Якубавічы стварылася суполка баптыстаў, дзе было 14

чалавек. Яе кіраўнік Аляксандар Саковіч быў пакараны штрафам у памеры 25

злотых за антывайсковую агітацыю

1142

. Пашырэньне баптызму выклікала

занепакоенасьць мясцовай паліцыі, якая шляхам розных адміністрацыйных

захадаў імкнулася вярнуць сялянаў назад у праваслаўе. Прычынай такой

рэакцыі уладаў было тое, што баптысты адмаўляліся ад вайсковай службы.

Некаторыя былыя беларускія актывісты цалкам адышлі ад палітычнай

дзейнасьці і пачалі выказваць поўную ляяльнасьць да дзяржаўных уладаў.

Напрыклад, Уладзімір Паўлюкевіч у канцы 1929 г. быў абраны войтам гміны

замест арыштаванага і засуджанага Мікалая Касьцевіча. На гэтай пасадзе ён

праявіў сябе як руплівы гаспадарнік. На вясковых сходах Паўлюкевіч

пасьлядоўна і катэгарычна выступаў супраць усіх апазыцыйных да ўраду

партый і рухаў. Напрыклад, у каталіцкай вёсцы Новая Руда граміў на сходзе

Народную партыю, бо там узьнікла суполка гэтай партыі. Але поўнага даверу з

боку ўладаў да сябе ён не дачакаўся. Камэндант паліцыі так ахарактарызаваў

войта ў адной з сваіх справаздач: “Абсалютнага даверу не заслугоўвае... і ў

выпадку сур’ёзных забурэньняў у дзяржаве, такіх, як вайна і да т.п., яго тут

жа трэба было б замяніць”

1143

Іншыя беларускія актывісты пакінулі родныя вёскі. Напрыклад, Аляксандар

Мілінкевіч перабраўся ў Горадню, дзе ўладкаваўся на працу ў рэдакцыю

леварадыкальнай “Сялянскай газэты”. Раз-пораз ён прыяжджаў у Бершты і

прывозіў з сабой стосы гэтай газэты, якую, паводле зьвестак паліцыі,

“беларусы ахвотна чыталі, але лічылі газэтай правакатарскай, паколькі яна

друкаваная на польскай мове”

1144

. Пад час кожнага прыезду ў родную вёску за

Мілінкевічам адразу ж наладжвалі пільны паліцыйны нагляд. Камэндант нават

адзначаў, што той заўсёды прыяжджае ў вёску ў вельмі добрым гарнітуры.

Галодныя і абарваныя беларускія дзеячы, напэўна, болей цешылі б вока

паліцыянта.

З справаздач Берштаўскага пастарунку за 1930-я гады вынікае, што

“беларускага пытаньня” для мясцовай паліцыі ўжо практычна не існавала, ці,

1141

ДАГВ, ф. 38, воп. 1, спр. 22, арк. 183.

1142

ДАГВ, ф. 38, воп. 1, спр. 42, арк. 6.

1143

“Na absolutnie zaufanie nie zasługuje... i na wypadek powaŜniejszych zajść w Państwie jak wojna i t.p.

naleŜało by go natychmiast zmienić” (ДАГВ, ф. 38, воп. 1, спр. 52, арк. 78. [Перапіска камэнданта паліцыі

ў Берштах за 1932 г.]).

1144

“przez białorusinów czytana chętnie, lecz uwaŜana przez nich jako gazieta prowakatorska, gdyŜ jest

drukowana w języku polskim” (ДАГВ, ф. 38, воп. 1, спр. 52, арк. 24 адг.).

349

прынамсі, яно не было асабліва вострым. У справаздачы, напрыклад, за І

квартал 1932 г., паліцыйны камэндант падае такую характарыстыку

нацыянальнай сытуацыі і настрояў насельніцтва на абшары Берштаўскай

пушчы: «Беларусаў рымска-каталіцкага веравызнаньня сярод усяго

насельніцтва 18 %. Да дзяржавы яны ставяцца даволі прыхільна. Мясцовая

моладзь ахвотна зьбіраецца ў сьвятліцах, арганізуе імпрэзы, належыць

пераважна да арганізацыі “Падрыхтоўка да войска і фізычнае выхаваньне”,

выхваляецца сваёй польскасьцю, не хаваючы пагарды да моладзі іншага

вызнаньня. Дзеці ахвотна цягнуцца да навукі й ходзяць у школу, але пасьля яе

заканчэньня дзеля матэрыяльных цяжкасьцяў далейшай адукацыі атрымаць

ня могуць; старэйшыя людзі выказваюць шкадаваньне, што кваліфікацыя

тутэйшых школ даволі нізкая. Выключэньні ў гэтым выпадку складае

абсалютная бядота, якая ня можа належна апранаць дзяцей пад час маразоў.

Дзяржаўныя і мясцовыя падаткі сплочваюць акуратна, з выняткам

бяднейшых, якія, аднак, таксама дбаюць пра іх выплату. Крымінальная

злачыннасьць малая. Стаўленьне да мясцовых уладаў прыязнае...

Летувісы складаюць 10 % насельніцтва і да дзяржавы ляяльныя. Ня чыняць

супраціву збору дзяржаўных і мясцовых падаткаў, але скрытныя і чакаюць

зьменаў. У школах летувіскага таварыства “Рытас” вучаць дзяцей гаварыць

толькі па-летувіску. Крымінальная злачыннасьць вельмі нізкая, рэлігійнасьць і

салідарнасьць моцныя. Сваіх пачуцьцяў вонкава не выяўляюць; з гледзішча

арганізацыйнага лучацца з абшарам Марцінканскай гміны і частка моладзі

належыць да тамтэйшага летувіскага таварыства сьв. Казіміра. Фактаў

антыдзяржаўнай дзейнасьці гэтага таварыства не зафіксавана.

Беларусы праваслаўнага веравызнаньня складаюць 58 % насельніцтва. Да

дзяржавы ставяцца непрыхільна, аднак гэтага не паказваюць. Дзяржаўныя й

мясцовыя падаткі сплочваюць з спазьненьнем, што часам выклікае сэквэстр і

лецытацыю, аднак апошняй за справаздачны пэрыяд не было. Бываюць,

праўда, выпадкі, калі плаціць насамрэч няма чым. З прычыны галечы іх

даволі шмат. Моладзь ахвотна горнецца да арганізацый, найперш пажарнай

варты, якая мае памяшканьне, дзе 20 сакавіка з нагоды імянінаў маршалка

Пілсудзкага наладзіла бясплатную пастаноўку “Да зброі”. Створаны для гэтага

камітэт раздаў дзецям падарункі: сшыткі, падручнікі й скуру на лапці, а

праваслаўны сьвятар адправіў набажэнства і прамовіў адпаведнае казаньне.

Дзеці ходзяць у школу, але некаторым няма ў чым, не стае нават на яду.

Крымінальная злачыннасьць малая. Палітычнай ня выяўлена. Партызанка,

ТБШ і БСРГ на тутэйшым абшары не існуюць, а былыя прыхільнікі й дзеячы

ніякай актыўнасьці не праявілі, бо за прамінулыя гады некаторыя пастарэлі і

дзеля сямейных і матэрыяльных клопатаў пакінулі палітычную дзейнасьць»

1145

«...Białorusinów wyznania Rzymsko-katolickiego w stosunku do całości... 18 % ludności. Ta w

stosunku do państwa jest usposobiona dość przychylnie. MłodzieŜ tej ludności chętnie skupia się w

świetlicach — urządza przedstawienia — jest w większej ilości w przysposobieniu wojskowym i szczyci się

polskością nie ... pogardy w stosunku do młodzieŜy innego wyznania. Dzieci chętnie garną się do nauku i

uczęszczają do szkół, jednakoŜ po ukończeniu takowych w skutek ubóstwa dalszej nauki prowadzić nie mogą i

starsi ludzie wyroŜają ubolewania z powodu niskiej kwalifikacji szkół znajdujących się na tut. terenie. Wyjątki

w tym wypadku stanowi absolutna biedota, która nie moŜe dzieci ubierać odpowiednio w stosunku do

panujących mrozów. Pod wzgłędem swiadczeń państwowych i samorządowych sprzeciwów nie stawią, za

wyjątkiem tych, którzy są zupełnie ubodzy — jednakowoŜ i ci dbają o... takowych — Przestępczość pod

wzgłędem kryminalnym — mała. W stosunku do władz miejscowych jest usposobiona przychylnie...

350

У той жа справаздачы паліцыйны камэндант таксама адзначаў: «Увогуле

мясцовае насельніцтва беднае і жыве пераважна зь зямлі, акрамя таго — з

рыбных ловаў, за якія бярэ арэнду (“дзяржаву”), лясной працы, зьбіраньня

ягад і грыбоў, а таксама продажу ўласнага лесу»

1146

. У 1932 г. бохан хлеба (1

кг) у Берштах каштаваў 1,3 злотага, 1 кг цукру — 1,8 злотага, 1 кг масла — 2,5

злотага, дзясятак яек — 80 грошай. Свайго хлеба берштаўцам, як заўсёды, не

ставала, і вясной яны вымушаны былі яго дакупляць. Дзень працы ў лесе ў

1930-х гадох прыносіў ад 4 да 7 злотых. Гэтай працай у асноўным займаліся

ўзімку, калі сяляне валілі лес і звозілі яго на санях да месца сплаву ці

вузкакалейнай чыгункі. Калі зіма была маласьнежная, дык і заробкі

памяншаліся. Добры конь каштаваў тады блізу 200 злотых, мужчынскі

гарнітур фабрычнага вырабу — каля 100 злотых.

У пэўным сэнсе на абшарах пушчы назіралася вяртаньне да паўзамкнёнага

ладу жыцьця, характэрнага для папярэдніх стагодзьдзяў. 18 лютага 1932 г.

берштаўскі камэндант пісаў: “Тутэйшае насельніцтва, аддзеленае разьлеглымі

абшарамі ад асяродкаў жыцьця больш арганізаванага і жвавага, і вядзе

жыцьцё мясцовае, прыстасаванае да натуральных умоваў”

1147

. Ён адзначаў,

што пушчанцы ўтрымліваюць сябе амаль цалкам працай у лесе, а ўласнага

хлеба вясной ужо ня маюць і мусяць яго купляць. У кастрычніку таго ж году

камэндант паведамляў у павет, што з прычыны няўроду грыбоў мясцовае

насельніцтва ня можа сплаціць падаткі

1148

Дэпалітызацыі сялянаў паспрыяла яшчэ правядзеньне камасацыі

(скасаваньне цераспалосіцы і перасяленьне вяскоўцаў на аднаселі). У

красавіку 1934 г. камэндант К.Нагацкі пісаў: “Былыя сябры й прыхільнікі

БСРГ і ТБШ занятыя перасяленьнем на калёніі ды арганізацыяй новых

гаспадарак, у чым вельмі зацікаўленыя, і за справаздачны пэрыяд нічога

Ludność zwana tu Litwinami stanowiąca 10 % całości jest lojalna wzgłędem państwa — nie stanowi

sprzeciwu w swiadczeniach państwowych i samorządowych, lecz jest skrytą i wyczekającą. Dzieci kształci w

szkołach Litewskiego T-wo “Rytas”, rozmawia wyłącznie po litewsku, przestępczość kryminalna zupełnie mała,

werzenie religijne silne i solidarność. Swoich uczuć na zewnątrz nie ujawnia pod wzgłędem organizacyjnym

łączy się z terenem gm. Marcinkańskiej i część młodzieŜy naleŜy do istniejącego tam T-wo Lit. Sw. Kazi mierza.

Działalności antypaństwowej ze strony tegoŜ T-wa nie ujawniono.

Białorusini wyznania prawosławnego stanowiący 58 % całości. Co do lojalności pod wzgłędem państwa,

usposobieni są nieprzychylnie, lecz tego nie ujawniają. Swiadczenia państwowe i samorządowe... opieszale, a

niektórzy powodują sekwestr i licytację, jednakowoŜ tej ostatniej za okres sprawodawczy nie było. Natomiast

bywają wypadki Ŝe naprawde produktów trudno osiągnąć z powodu zupełnego ubóstwa, takich wypadków jest

wiele. MłodzieŜ chętnie garnie się do organizacji... straŜ ogniowa... korzysta ze swietlicy, urządziła bezpłatnie

przedstawienie w dniu 20 marca r.b. p.t. “Do broni” z powodu imienin Marszałka Piłsudzkiego. Komitet zaś

utworzony rozdał podarunki dla dzieci w postaci zeszytów, podręczników i skóry na łapcie, ksiądz zaś

prawosławny odprawił naboŜeństwo i miał okolicznościowe kazanie. Dzieci do szkół uczęszczają, lecz niektórzy

... na brak ubrań, a nawet jedzenia. Przestępczość kryminalna mała — politycznej takŜe nie ujawniono.

Paztyzantka, T-wo Białoruskie Szkoły i B.W.R.Hromady na tut. terenie nie istnieje, a byli sympatycy i

działacze Ŝadnej działalności nie ujawnili, ponadto po upływie kilku lat niektórzy postarzeli się i z powodu

trosk materialnych i rodzinnych porzucili politykę i działalność» (ДАГВ, ф. 38, воп. 1, спр. 52, арк. 349–350).

1146

“Wogóle zaś ludonść Ŝyje ubogo i utrzymuje się przewaŜnie z roli, a dodatki z jazów rybnych, za które

pobiera arędę (dzierŜawę), pracy lesnej, zbierania jagód i grzybów oraz sprzedaŜy własnego lasu” (ДАГВ, ф. 38,

воп. 1, спр. 52, арк. 350).

1147

“Ludność tutejsza jest oddalona rozległymi obszarami od ośrodków Ŝycia bardziej zorganizowanego i

ruchliwego i prowadzi Ŝycie umiejscowione i przygotowane do warunków miejscowo-naturalnych” (ДАГВ, ф.

38, воп. 1, спр. 54, арк. 13. [Перапіска камэнданта паліцыі ў Берштах за 1932 г.]).

1148

ДАГВ, ф. 38, воп. 1, спр. 54, арк. 60.

Токць С. Беларуская вёска ў эпоху зьменаў. Другая палова ХІХ - першая траціна ХХ ст

Подождите немного. Документ загружается.