Статут Великого Княжества Литовского 1588 года
Подождите немного. Документ загружается.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
РОЗЪДЕЛЪ ШОСТЫЙ: О ОПЕКАХЪ.
Артыкулъ 1.
О лета детей недорослыхъ.
Уставуемъ, абы по смерти родичовъ детем, летъ не дорослымъ, шкоды и роспрошенья
маетности ихъ яко лежачыхъ, такъ и рухомых не было, с тое причыны таковые дети, летъ
не дорослые, мають быти под справою и опатръностью опекуновъ, от родичов
назначоныхъ албо прирожоных, албо теж приданыхъ до летъ зуполныхъ. А лета мущизна
маеть мети зуполные осмънадцать летъ, а девка тринадъцать летъ.
Артыкулъ 2.
О опеце отцовъской именьями и маетностью рухомою детей всих, имъ по матце ихъ
належачою, и о властномъ набытью сынънемъ.
Тежъ уставуемъ: естли бы отецъ по смеръти жоны своее мелъ дети, летъ не дорослые,
которые бы мели именья матерыстые або имъ записаные, тогды отецъ яко детми самыми,
такъ и таковым именьемъ ихъ материстымъ и якимъ кольвекъ ихъ властъным, также
маетностью рухомою, по матъце ихъ зосталою, по тому жъ и такими именьями и
маетност[ь]ю рухомою, которое бы отецъ по смерти жоны своее правомъ детей своихъ
доискалъся, всимъ тымъ опекатися маеть до летъ ихъ дорослыхъ. А кгды доростуть, маеть
имъ тые именья з опеки своее в целости поступити и маетность рухомою в целости
отдати, а личбы никоторое з опеки своее чынити имъ не повиненъ. Одно жъ часу опеки
своее не маеть мЪти моцы ничого оныхъ именей в руки чужие ани вечнымъ, ани
заставнымъ обычаемъ упущати. А хотя бы впустил, тогды то детемъ шкодити не маеть,
але могуть того на деръжачомъ доходити, толко бы давности земъское, вышедъшы з
опеки, не омешкали. А кгды бы сынъ который, набывшы яким колвекъ обычаемъ собе
именье або якое колвекъ оселости, а тое именье, оселость далъ бы и злетилъ дерьжати
отъцу своему, тогды и такого именья отецъъ никому никоторым правомъ вечностью, ани в
суме заводити не можеть, и братья его иньшая в делъ собе того привлащати не будуть
мочы. А хотя бы кому отецъ такое именье завелъ, то предсе тому сыну або его детямъ и
потомъкомъ волно будеть своее властности на деръжачомъ доходити. А тотъ, кому бы
такие именья матерыстые и яко кольвекъ детямъ належачые або черезъ которого самого
сына набытые от отъца были пущоны, пенезей своихъ маеть смотрети на отцу таковомъ, а
по смеръти его — на властъномъ именью такового отца. А около такового именья, черезъ
самого сына набытого и матъце в держанье даного, тое жъ се право, веръху описаное, и
противъ матъки, яко и противъ отца розумети маеть. Пакъли бы тежъ которого сына его
властъного набытье готовыхъ пенезей або якихъ кольвекъ речей, отцу до схованья даныхъ
и звероныхъ, отецъ зо [так!] живота своего на свои потребы выдалъ, а потомъ сам умеръ, а
колько бы сыновъ зоставилъ, тогды наперъвей, нижли делъ ровный в ыменью отчызномъ
межы сынъми будеть, мают оный долъгъ отца своего вси сынове и с тымъ посполу
братомъ своимъ, чые речы будуть, межы себе на ровные части розняти и такъ кождый, с
части своее оный долъгъ брату своему отложывшы, тожъ мають имен[ь]я отчызные в
ровный делъ поделити. По тому жъ и о речахъ, от сына матъце звероныхъ, при розъделе
внесенья ее або именей матерыстыхъ розуметися мает. А кгды бы отецъ албо матъка
колько детей в опеце своей мели, а одно бы с тых детей летъ доросло, тогды онъ только
его част[ь] ему до ровного делу пустити, а иньшыхъ недорослыхъ детей зъ ихъ частями в
опеце своей мети мает до лет кождого з нихъ.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
Артыкулъ 3.
Которые опекунами быти мають.
Напервей тые опекуны могуть быти, кого бы отецъ на тестаменъте детемъ своимъ
описалъ. А естли бы не описалъ, тогды братъ старшый, летъ дорослый, маеть молодшою
брат[ь]ею и сестрами опекатисе. А не будет ли брата дорослого старшого, ино стрыеве по
мечу, также одинъ з нихъ старшый, мають опекунами быти. А естли бы стрыево [так!]
рожоныхъ не было, ино близские также по мечу, который одинъ з нихъ старшый, ку опеце
мають быти припущоны. А где бы опекуновъ по мечу прирожоных не было никого, ино
по матце вуеве, также и инъшые кревъные мають быти опекунами. А не станет ли и по
кудели кровныхъ, звлаща мужъского рожаю, тогды могуть быти опекунами и белые
головы по мечу, также старшые, тымъ детямъ наблизьшие. А естли по мечу и белыхъ
головъ близъскихъ не станет, тогды и по кудели кровные белые головые [так!], тежъ
старшие, опекатисе могуть. Вед же таковые, которые бы были за мужами и к тому
оселость свою добрую мели, а мужовъ бы тежъ мели людей добрыхъ, цнотливыхъ,
побожныхъ и оселыхъ, которые мужове, естли бы се тежъ восполокъ з жоною своею
хотели за тую опеку взяти и в недостатку оселости женьнее себе и именья свои властъные
в то описомъ и сознаньемъ своимъ на вряде подъдали и обовезали, ижъ где бы се якая
шкода детемъ в опеце их стала, тогды дети, доросъшы летъ, не толко на именьяхъ
женъных, але и на его властных смотрети того правне мають. Пакли бы тежъ таковых
белыхъ головъ кревныхъ не стало, тогды водле арътыкулу одиннадъцатого в розделе
пятомъ заховано быти маеть. Ведъ же не чужоземцы, але родичы того паньства, великого
князьства литовского, люди добрые, побожные, неутратъные и добре оселые в том же
повете, где опекатисе будуть. И кождый опекунъ, хотя бы и кревъный, также добре
оселый, маеть быти окромъ тыхъ опекуновъ, которыхъ отецъ тестаментомъ назначить. А
ведъ же естли бы и тотъ опекунъ, от отца назначоный або от суду земского приданый,
неслушне се на той опеце справовалъ, з шкодою оныхъ детей, тогды судъ земский за
припозваньемъ того опекуна водлугъ сего статуту и артыкулу, вышей помененого, на рокъ
завитый и за слушнымъ доводомъ и оказаньемъ таковое утраты оного опекуна, маеть тую
опеку, от такового опекуна отсудивъшы, кому иному водле права, толко цнотливому и
добре оселому, тую опеку злетити, и што бы ся шкод от оного первшого опекуна въ ономъ
именью детемъ стало, то все на оном опекуне с права сказано и отправлено быти маеть. А
естли бы детинные именья в розныхъ поветех были, тогды тотъ врядъ судовый, в которого
повете головнейшое именье тыхъ детей будеть, маеть опекуна прыдати, а тотъ опекунъ
самъ один при головнейшомъ именью и иные вси именья, хотя по розныхъ поветех
будуть, с одного деръжати и ими се опекати маеть. Тежъ опекунъ маеть быти не вельми
зошлых летъ, тотъ, который бы собою добре владнулъ и домъ свой ростропне, опатръне
справовалъ. Ведъ же особы духовъные опекунами быти не мають, окромъ тые, которые
бы именья свои в томъ повете мели, отчизные, матерыстые и яко кольвекъ набытые, а не
костелные.
Артыкулъ 4.
Наука опекуномъ, якъ мають опеки на себе брати.
Уставуемъ, ижъ кождый опекунъ, приймуючи на себе опеку, напервей маеть передъ
вознымъ, от вряду на то приданымъ, в котором повете которое именье лежати будеть, и
передъ двема шляхтичи тых детей повинъными кревными, а не будет ли кревъных або бы
ихъ опекунъ звести до того не могъ, тогды хотя и не с повинъными, только людьми
добрыми, веры годными, в том повете оселыми, суседми близскими списати достаточне
имен[ь]я, люди и всю маетность детинъную, такъ лежачую, яко и рухомую, и тотъ рейстръ
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
под печатью возного и шляхты, которые при том были, и при бытности того возного и
шляхъты, маеть увести до книгъ земъскихъ и собе того выписъ с книгъ взяти. А потомъ
опекунъ, взявши дети, маеть ихъ в добромъ, почстивомъ выхованью и наукахъ мети и в
достатку водле можности именья и водле наболшого старанья своего, яко ему самому
почстивость мила, ховати, и маетность их, яко лежачую, такъ и рухомую, в целости мети,
и щого бы за долгимъ хованьемъ детемъ шкода быти мела, тые речы на п[е]н[е]зи маеть
оборочати и все ку пожитку детинному справовати. А кгды старшый сынъ ку розумнымъ
и дорослымъ летамъ прийдеть, опекунове повинни будуть оные вси маетности детинъные,
яко лежачые, такъ и рухомые, и всякие доходы зъ именей и дани пенежные, и медовые, и
иные всякие, которые жъ кольвекъ черезъ увесь часъ опеки своее зберуть, ему отдати
мають, и личбу достаточную передъ врядомъ земскимъ або кгродскимъ, где тотъ, который
зъ опеки выходить, похочеть, вчинивши, зо всего усправедливитися. А за працу свою
опекунове зо всихъ платовъ, доходов, дани медовое и с пашни дворъное, и всякихъ иныхъ
пожитковъ, якие кольвекъ бы были, мають собе брать десятую часть, с чого личбы чинити
не будуть повинни. А с тыхъ девети частей пожитковъ, яко на выхованье и на науку
детемъ, на права, на службу земъскую военъную, на слуги дворные и челедь домовую
накладати и личбу достаточную чинити маеть, и правне именей от крывдъ боронити. А с
которымъ житомъ и всякимъ збожъемъ зложонымъ и засеянымъ в опеку озмуть, с тымъ зо
всимъ опеку здати мають. Тежъ серебщинъ, ани винъ на себе опекунъ брати, ани ставовъ
спущати не маеть, только рыбъ з ставу ку потребе и живности своей можеть ловить.
А который бы опекунъ такъ тестаменътомъ зоставленый, яко и прирожоный або тежъ з
уряду приданый, не заховываючисе водлугъ тое науки, неврядовне безъ возного, на то
приданого, и безъ стороны, не списавъшы наперодъ всих маетностей детинных, такъ
лежачыхъ, яко [в оригинале: “ямо”] и рухомыхъ, в опеку вшолъ и што шкоды детемъ
опекою своею почынилъ, противъ таковому дети, летъ доросшы, близъшые будуть ку
доводу, што потомъ онымъ детямъ, дорослым летъ, с права на опекуне сказано и
отправлено быти маеть. А естли бы такий опекунъ, што опекою своею вшкодившы, умеръ,
тогды предъся тая шкода на именью его сказана и отъправлена быти маеть. А естли бы
опекунъ, деръжачы именья, детемъ, летъ дорослымъ або кому тое именье належыть, за
упомненьемъ урядовым именей пустити и опеки здати зо всимъ и личъбы учынити такъ,
яко в томъ арътыкуле вышей описано естъ, не хотелъ, а далъ бы се о то до вряду позвать,
тогды при въсказанью опеки и вси шкоды и утраты, што бы кольвекъ правуючысе,
наложылъ, за доводомъ на опекуне таковомъ въсказано быти маеть. А братъ старъшый
таковымъ же способомъ опеку на себе брать и ее здавать маеть, яко вышей в семъ
арътыкуле о опекунехъ естъ описано.
Артыкулъ 5.
Естли бы опекунъ што несправою або недъбалостью своею детямъ утратилъ.
Кгды бы тежъ опекунъ, такъ прырожоный, яко и уставленый отъ отца або теж из уряду
прыданый, якимъ омешканьемъ або недбалостью своею детемъ у молодости летъ ихъ што
имен[ь]я лежачого упустилъ, тогды дети, доросшы летъ своихъ зуполныхъ, могутъ своего
правомъ дойскиватися на том, хто бы тое именье або люди и кгрунты ихъ держалъ, абы
одно доросъшы летъ своихъ зуполныхъ, давности земъское не омешкали.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
Артыкулъ 6.
Опекунъ можеть детиньное кривды у права доходити, але не моцонъ ничого
утратити.
Кгды бы хто сиротамъ або детям, лет не маючымъ, якую кольвекъ кривду в ыменью
лежачомъ або въ якихъ иныхъ поточныхъ речахъ учинилъ, тогды опекунъ ихъ моцонъ
того правомъ ихъ дойскиватися. Вед же што бы опекунъ в летехъ ихъ недорослыхъ што
упустилъ, в чомъ бы ся детемъ кривда видела, тогды они, доросшы летъ своихъ, могуть о
тыхъ крывдахъ своих мовити и правомъ того доходити, толко бы давности земское не
омешкали. Але боевъ, грабежовъ поделаныхъ и иныхъ крывдъ в речахъ поточныхъ, што ся
правомъ за опекуна скончить, того вжо дети взновляти и взрушати не будуть мочы. По
тому жъ и опекунъ в речахъ такихъ поточныхъ, где о кгрунтъ не пойдеть виненъ будеть
кождому укрывжоному з бояръ и подданыхъ тых именей, што в опеце маеть,
справедливостъ и отправу чинити, бы и на горле винъного карати, так же и самъ
усправедливятися. Вед же за выступ властный отправа маеть быти чынена на властном
именью его, а не на детинномъ.
Артыкулъ 7.
Хто бы дети недорослые до права позвалъ.
Уставуемъ тежъ, ижъ о именья, такъ отчизные, яко и матерыстые, купленые и
выслужоные, дети, ани опекунъ, не будуть повинъни у права отповедати, але мають тую
справу до летъ детинъныхъ зуполныхъ отложити. А они, кгды лета зуполъные мети
будуть, тогды на онъ часъ сторона жалобливая маеть ихъ припозвати, а они вжо будуть
винъни на жалобу отповедати, не вымовляючися давностью земъскою. Толко бы тежъ и
сторона жалобливая от зуполныхъ летъ ихъ давности земъское не промешкала.
Артыкулъ 8.
Дети недорослые не мають у права отповедати, одно в шести речахъ.
Тежъ дети, не маючие летъ, а будучи до права позваны, одно в шести речахъ повинни
отповедати. Перъвей: кгды бы отецъ ихъ або матка за доброго здоровъя которое именье
лежачое в пенезяхъ заставнымъ обычаемъ деръжали або якую кольвекъ суму на томъ
именью было имъ описано, а близские бы тое имен[ь]е от тыхъ детей выкупити хотели, и
для того бы были позвани ку бранью п[е]н[е]зей, тогды будуть повинни п[е]н[е]зи взяти
через опекуна або через приятелей кревныхъ, а именье поступити. А опекунъ, принемъшы
п[е]н[е]зи, урядовне з них сторону, которая пенези откладати будеть, квитовати маеть, а
потомъ детемъ дорослымъ п[е]н[е]зи и всю тую справу вернути будеть повиненъ. А где
бы дети, будучы позвани о заставу, а опекунъ ихъ показалъ бы на то вечность на писме
або инъшымъ якимъ доводомъ правънымъ, же то естъ именье, тымъ детямъ вечне
належачое, тогды такая справа маеть быть отложона до летъ детинъных. Другое: кгды бы
отецъ ихъ ручилъ якую кольвекъ речъ, а о тую паруку еще отецъ ихъ за живота своего
былъ позванъ до права, тогды по смерти отцовъской дети, будуть ли позвани, отповедати
повинни и с права найдут ли се в той паруце винъни, тогды мають такъже через опекуна
своего з маетности своее тому досыть чинити, чого се отецъ ихъ поднялъ або обовезалъ.
Третее: кгды бы отецъ ихъ за живота своего о якое дедичъство мелъ право, не
доконавъшы, умеръ, тогды дети через опекуна повинни будуть отказывати. А естли бы
одно позванъ былъ, а перед рокомъ, за перъвшыми позвы припалымъ, умер, тогды тая
речъ маеть отложона быти до летъ детинъныхъ. Четвертое: долгъ отца своего повинни
дети через опекуна платити, не вымовляючися молодостью летъ. Пятое: где бы отецъ,
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
выбивъшы кого зъ именья, людей и кгрунтовъ зъ спокойного деръжанья, а потомъ врыхле
умеръ. Шостое: о збеги и люди отчизные, будь за деръжанья родичовъ ихъ албо за самыхъ
опекуновъ до именья детинъного зашли, тогды дети недорослые, будучи о то позвани,
также через опекуна своего повинни будуть усправедливитися. А о збеги и о люди
отчизные, будь у кгроду або у земъства одно бы сторона жалобливая давности, в семъ
статуте вышей о томъ описаное, не омешкала.
Артыкулъ 9.
О братьи неделной, дорослой и недорослой.
Уставуемъ, кгды бы братья неделные, маючи лета дорослые, одного в ыменью зоставили и
оному именье свое въ справу его до зверънен[ь]я своего отколь колвекъ поручили, а онъ,
яко старъший и на местъцу зоставленый, был бы ку праву позванъ, а сполъную речъ свою
и братьи своее утратилъ, тогды иншая братья его рожоная не мають моцы такового
судовного выроку въ праве отменити, ани поправити, але што черезъ брата своего
утратили, о то навеки молчати мають. А кгды бы одному брату, лета зуполные маючому,
именье его и братьи его молодъшое опекою в руки пришло, а былъ бы позванъ такъ о
именье, яко теж и о которую колвекъ речъ сполъную, тогды повиненъ будеть в праве
отповедати, не ждучи летъ братьи своее молодъшое. Такъ тежъ братъ старшый,дошедшы
летъ своихъ зуполных, не вымовляючисе братьею своею недорослою, о розделъ именей
межы кровными и повиноватыми своими виненъ будеть усправедливитися и делъ ровный,
с права сказаный, поступити. И где бы што с права албо деломъ братъ старший упустилъ,
тогды братья молодшая, доросъшы летъ, на брате старшомъ таковомъ пойскивати того не
могуть, але на томъ, до кого тое именье, люди албо кгрунты упустилъ, доросъшы летъ и
не омешкавшы давности земъское, доходити имъ волно будеть. Вед же тотъ братъ
дорослый, который самъ утратилъ, своее части доходити не можеть. По тому жъ волно
будеть брату старшому, летъ дорослому, не ждучи от братьи своее недорослое крывды
сполное, такъ имен[ь]я, яко и каждое речи, на винномъ правом доходити. А чого колвекъ
правомъ дойдеть, то з братьею, кгды летъ доростуть, ровно делити повиненъ будеть.
Артыкулъ 10.
Опекунове не мають именья детинъного продати и утратити, ани граничыти.
Уставуемъ, иж опекунове не могут имен[ь]я детинного, которым се опекають, продати або
якимъ же кольвекъ обычаемъ утратити и тежъ граничити. А естли бы опекунъ иначей
учинилъ, тогды дети, дошедши летъ зуполных, будуть моцъ мети имен[ь]я свои от того,
хто ихъ ужываеть, правомъ доходити; одно бы, дошедшы летъ зуполныхъ, давности
земъское не омешкали.
Артыкулъ 11.
Старъшый сынъ дорослый не можеть братъи недорослыхъ имен[ь]я отдаляти або
заставляти, окромъ части своее, лечъ бы для долъговъ родичовъ своихъ.
Уставуемъ, ижъ старъшый братъ, деръжечи спольное именье, з братьею своею
нерозделеное, не будеть мети моцы якимъ же кольвекъ обычаемъ того спольного именья
заставляти, продавати, отдаляти або утрачати, одно естли бы того долги родичовъ ихъ
записаные або правомъ належачые потребовали, в которой же потребе тотъ старъшый
братъ з ведомостью а порадою старъшыхъ прыятелей дому своего будеть мочы имен[ь]е
спольное братьи своее заставити. А такие долги отцовъские албо матъчиные зо всихъ
частей тыми п[е]н[е]зми заплатити, а вед же такъ, яко бы п[е]н[е]зи, на именья братьи
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
своее взятые, не превышали сумы долговъ отцовъских. А естли бы долги або заплата якая,
судовъне сказаная, при меншымъ была, тогды старъшый братъ, первей огледевъшы
живности и иные потребы домовые, маеть зъ цыншовъ, доходовъ именей сполныхъ
долъги оные малые платити, а остатокъ, што бы збывало, маеть верне братьи заховати.
А естли бы иначей чынилъ, тогды таковое записованье або заставованье именъ
братъскихъ у права прыймовано быти не мает, а братья, которыхъ именья якимъ инымъ
неслушнымъ способомъ будуть заведены, кгды летъ своихъ доростуть, а давности не
замолъчать, будуть его мочы правомъ доходити. А тотъ, который бы противко тое уставы
нашое пенези на именью братъское безъ ихъ зупольного дозволенья такъ неопатръно
далъ, своихъ пенезей на ономъ старъшомъ брате доходити и искати будеть. А кгды бы
который дорослый былъ на службахъ в чужихъ краинахъ або на науце, або тежъ у везенью
неприятельскомъ, тому давность не шкодить, естли ее от прыеханья своего не замолъчить.
А ведъ же на свою часть будет ли хотелъ братъ старъшый якую суму пенезей взяти албо и
на вечность продати, тогды то ему вольно учынити. А кды [так!] братья молодъшие,
доросъшы летъ, похочуть делъ вечыстый в ыйменью [так!] мети, тогды, хотя бы оный
старъшый братъ своее части не освободилъ, предъсе жъ заставникъ албо тотъ, хто купить,
виненъ будеть тую часть брата ихъ старъшого в делъ вечъный межы молодъшое братьи
пустити, и которая бы частъ на брата ихъ старъшого з делу ихъ пришла, тую оный
заставникъ албо хто купилъ деръжати будеть.
Артыкулъ 12.
Старъшая братья не могуть именья недельного утратити, ани заставляти, только то,
што на часть ихъ прислухати будеть.
Уставуемъ: естли бы колько братьи рожоное летъ дорослых и тежъ недорослыхъ зостало
по отцы або по матъце, маючы именье спольное отчызное або матерыстое, и хотели бы
старъшая братья, маючы вжо лета зуполъные, на томъ именью осести, а не могучы еще
межы собою делу вечыстого мети, хотели бы тые именья свои только такъ на части
розняти до летъ зуполъныхъ молодъшое братьи и до делу вечного, тогды то имъ вольно
будеть. А ведъ же если бы который з нихъ, деръжачы такую часть, будь свою огуломъ або
тежъ што такового з нее выделившы, кому зоставилъ або продалъ, тогды потомъ, кгды
меньшая братья, доросъшы летъ зуполъных, похочуть ся вжо вечнымъ деломъ тымъ
именъемъ поделити, мають того, который будеть купилъ албо закупилъ, прыпозвати
передъ судъ земъский на рокъ завитый, абы тое именье в ровный делъ с ними поделилъ. А
судъ делъ ровный всказати имъ повиненъ будеть. А тотъ, хто таковую часть купилъ албо
закупил, повиненъ будеть всю тую куплю свою с тою братьею, яко отчычами того именья,
в ровный и вечный делъ поделити, прыймуючи во всей той суме своей тую часть, которая
бы толко на того брата водле права его з делу прирожоного пришла. А хотя бы тежъ и
болшъ п[е]н[е]зей на то далъ, нижли чого то стояло, вжо на томъ переставати будеть
повиненъ. К тому тежъ, естли бы который таковый з братьи, рознявшы именье до делу,
яко се вышей поменило, хотя бы его не продалъ або не заставилъ, толко якое спустошенье
учинилъ, то естъ подданыхъ розогналъ або лесы пожыточные на попелъ, ванъчосъ, клепки
и иные роботы лесные потребные, албо гаи и боры, на будованъе годные, вырубалъ,
выпродалъ и выпустошилъ або роздалъ, тогды тые другие братья въ своихъ частяхъ на
томъ шкодовати не повинъни, але при вечномъ делу маеть быти тая вся шкода зъ его
части братъи его нагорожона и заплачона. А колко будеть подданыхъ за держанья своего
розогналъ, такъ много вжо братья на делу людей додати ему не мають и не повинъни
будуть. Вед же дров и на будован[ь]е дерева на свою потребу волно будеть до того ж
имен[ь]я брати.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
Артыкулъ 13.
О братьи летъ дорослой, иле ихъ колвекъ будеть, яко се именьемъ делити и имъ
шафовати мають.
Тежъ уставуемъ: естли бы колко братьи было летъ доросълыхъ, а мели бы именья
нерозделеные, а одинъ бы з нихъ, будучи потребенъ п[е]н[е]зей, хотелъ часть свою того
именья кому колвекъ, будь тежъ обчому, заставити або продати, а тая бы братья его не
хотели з нимъ того именья делити, тогды тотъ брат маеть ихъ о то позвать до суду
земъского на рокъ завитый, за которымъ припозваньемъ врядъ маеть имъ рокъ зложити ку
розделенью того именья надалей за две недели або яко на то часъ погодный знесеть. А ку
тому розделу маеть врядъ имъ возного и двухъ шляхтичовъ придать, положившы на
упорныхъ заруки толко, колко тая часть стоить. А если бы тая брат[ь]я предъсе делу с
тымъ братомъ и на ономъ року приняти не хотели, тогды будуть повинъни оному брату
заруки заплатити. Врядъ вжо будеть повиненъ то черезъ листъ свой отослати до
подъкоморого, а подкоморый, за позвы своими зъехавшы, мает и моцонъ будеть, тому
брату часть, во всемъ ему належачую, справедливе выделившы, подати и заруки сказати, а
о отправу зарукъ до вряду земского ведле арътыкуловъ, около владзы вряду
подкоморъского описаныхъ, отослати. Который дел такъ моцонъ будеть, яко тежъ и въ
иншых речахъ отправа, з уряду учиненая, и вечне межы собою тотъ делъ вжо деръжати
мають. А тому брату волно будеть тоею частью своею якъ хотя шафовати водле сего
статуту и арътыкуловъ, в немъ описаных.
Артыкулъ 14.
Опекунъ, деръжачи именье ув опеце, не маеть ничого за свою вину того именья
утрачать.
Коли бы хто чужое именье в опеце деръжалъ, а былъ бы о якие кривды суседъские або
долъги, або о якие иные права свои у суду поконанъ, таковый кождый, естли бы былъ на
своей властности оселый, за таковый выступокъ свой, с права сказаный, з власного именья
и маетности своее платити маеть. А в недостатку именья и маетности, рухомых речей и на
самомъ истъцу маеть быти отправа учинена, а именье, которое бы ув опеце деръжалъ, от
того волно будеть.
Артыкулъ 15.
Кгды бы опекунове, почавши кривды детинъное у права доходити, сами померъли.
Уставуемъ: кгды бы опекунове, уставленые або прирожоные, почавшы водлугъ
тестаменту в чомъ кольвекъ якое кривды детинное правомъ доходити, и не доконавши
того права, одинъ который з нихъ умеръ, тогды позосталый моцонъ будеть таковое
кривды детинъное у права доводити. А где бы вси опекунове, не доконавши которое
кривды детинъное, померъли, тогъды кровные близшие оныхъ детей мають быти
припущоны ку опеце. А естли бы близских (яко се вышей на местъцу своемъ назначило)
[в оригинале фраза выделена квадратными скобками] не было, тогды врядъ опекуновъ,
хотя обчыхъ, до тое опеки придати маеть, которые водле оного жъ тестаменту и подъ того
жъ моцъю будуть се справовати и кривды детинное доходити, яко и тые опекуны першые,
в тестаменте имены описаные.
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
РОЗДЕЛЪ СЕМЫЙ: О ЗАПИСЕХЪ И ПРОДАЖАХЪ
Артыкулъ 1.
О записехъ именей отчизныхъ, матерыстых и всякимъ обычаемъ набытыхъ.
Уставуемъ, ижъ волно кождому именья свои отчизные, матерыстые, выслужоные,
купленые и якимъ колвек обычаемъ набытые и названые, не смотречы третее и двухъ
частей, але вси вздоймомъ, хто ихъ што маеть, будъ тежъ половицу або которую ихъ
часть, або поособну одну, або люди, земли, што хотя от нихъ водле воли и мысли своее
отдати, продати, даровати, записати, заставити, от детей и близъскихъ отдалити, подле
баченья своего тымъ шафовати. И хотя бы перво которую часть або половицу именья
своего албо што колвекъ людей и земль кому продалъ або записалъ, тогды остаткомъ тыхъ
именей всихъ по тому ж воленъ будеть шафовати вечност[ь]ю заставою, яко воля его
будеть, также отдаляючи от детей и близскихъ своихъ. А вед же кождый таковый продажу
або даръ свой тотъ, хто продаеть або даруеть, справившы перъвей на то записъ под
печатью своею и с подъписомъ руки, хто писати умеет, и под печатми людей добрыхъ
трехъ албо чотырехъ особъ народу шляхетъского, веры годныхъ, въ великомъ князьстве
литовском оселыхъ, очевисте от того, хто продаеть, на то упрошоныхъ. А где бы тотъ, хто
продаеть албо записуеть, самъ писати не умелъ, тогды печатниковъ таковыхъ до запису
своего упросити маеть, которые бы пры печатехъ своихъ и руками власътными тотъ листъ
подъписали. А потом самъ очевисте перед нами, г[о]с[по]д[а]ремъ, або передъ врядомъ
нашымъ земъскимъ, где в которомъ повете тое именье лежить або до которого суду
прислухаеть, сознати маеть. А пакли бы до того повету было далеко, в которомъ тое
именье лежить або до которого суду прислухаеть, тогды будеть волно ему на инъшомъ
вряде судовомъ, где наближей будеть, таковый записъ свой оповедати и до книгъ
записати. А тотъ, кому то продано або якимъ же кольвекъ обычаемъ записано, с тымъ
листом, записомъ своимъ и тежъ з выписомъ врядовымъ маеть ехати або слати до того
вряду земского поветового, где а в которомъ повете тое именье лежати будеть. А то
оповедавъшы и оказавшы, маеть до книгъ земскихъ тотъ записъ свой увести, а врядъ
вряду в томъ верыти маеть. А што передъ нами, г[о]с[по]д[а]ремъ, албо судомъ головнымъ
будеть сознано, тое без переношенья до инъшых книгъ поветовыхъ важно быти маеть.
Артыкулъ 2.
Естли бы кому потреба записъ учинити, кромъ роковъ земъскихъ.
Тежъ уставуемъ: хто бы хотелъ оселость свою вечностью пустити межи роки судовыми,
без которых судъ земъский не звыклъ заседати, тогды маеть прийти передъ врядъ
кгродъский, где судъ от насъ, г[о]с[по]д[а]ра, засажоный, и тамъ записъ справъленый
передъ воеводою, старостою, где суды кгродъские сут[ь], показати, вызнати и дати его до
книгъ замковыхъ слово от слова вписати и выписъ взяти с печатью и с подписомъ руки
его властное. Который записъ и выписъ такий будеть тръвати до роковъ двоихъ
земъскихъ, судовъне отправуючых, а надалей на которыхъ с тыхъ рокохъ [так!] земскихъ
оный записъ маеть быти перенесенъ до книгъ земскихъ и в книги вписанъ, и выписъ с
книгъ подъ печатьми их врядовыми взяти. А где бы таковый записъ до вряду земского на
тые роки перенесенъ не былъ, тогды таковый записъ жадное моцы мети, а за нимъ тое
речы, што кому записано, одеръжати не маеть. А в небытности воеводъ, старостъ
судовыхъ на таких врядехъ и местъцах такие записы, за листы вызнаными, предсе
очевисто особы, будучы сами (хто што записуеть) [в оригинале – квадратные скобки –
О.Л.] вызнавъшы такие записы, сами жъ оказавши вряду тому, мают быти передъ врядомъ
ихъ кгродскимъ зуполънымъ, подъстаростимъ, судьею и писаромъ оповеданы и сознаваны
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
и выписы даваны подъ их печатми с подъписаньемъ рукъ их, а принамней двух [в
оригинале: «днух» - О.Л.], естли бы третий писати не умелъ. А естли бы который записъ,
на вечность кому даный, не водлугъ сего статуту былъ справленый, таковый записъ маеть
быти никчемный. и речы, въ немъ описаное, нихто одеръжати не можеть, толко бы
давности земъское ку збуренью того запису жалобникъ не омешкал.
Артыкулъ 3.
Варунокъ на перенесенье з кгроду до земъства.
Где бы хто купли, даровизны и иншыхъ записовъ своихъ водълугъ сего статуту с книгъ
замковых до книгъ земъскихъ водлугъ арътыкулу второго, вышей в семъ же розделе
описаного, на рокохъ земскихъ перенести не могъ за войною або поветреемъ моровымъ,
тогды то варуемъ, же таковые неперенесенья куплей и инших записовъ з кгроду до
земъства за служъбою земъскою военъною и поветреемъ моровымъ ничого праву того,
хто купилъ або яким инымъ правомъ деръжалъ, шкодити не маеть. Ведъ же по зъеханью з
службы нашое земское военъное або по ускроменью поветрея на першыхъ рокохъ
земскихъ, судовне отправуючихъ, маеть быть таковый записъ и выписъ вряду кгродъского
перенесенъ и до книгъ записанъ.
Артыкулъ 4.
Не маеть нихто никому жадного спадку записовати, чого в рукахъ не маеть.
Тежъ естли бы хто хотелъ кому записати який спадокъ, который бы мелъ на него прийти
по блискости якимъ кольвекъ правомъ, а тотъ бы еще былъ жывъ, по которомъ бы се мело
ему што достать, тогды такового спадку нихто не можеть никому записати, ани продати и
сумы никоторое на томъ взносити, олиж бы по змерлой руце право се ему отворыло. А
естли бы хто кому таковый спадокъ за живота того, по ком се его сподеваеть, записалъ або
продалъ, албо тежъ на томъ которую суму п[е]н[е]зей възнесъ, таковый записъ передъ
правомъ не маеть держан быти. А вед же естли бы який спадокъ на кого по змерълой руце
правом прирожоным припал, а оный кому бы ся до такого спадку право прырожоное
отворыло, а тое имен[ь]е, хотя бы было волное або в суме от продковъ его заведеное, а
онъ бы про недостатокъ або недовъстипъ свой самъ того доходити не могучы, албо тежъ з
доброе воли своее на кого иного право свое влилъ и то кому урядовне записалъ або
злетилъ, то ему волно будеть учинити. А тотъ, кому то записано, моцонъ будеть того, яко
бы тот самъ истецъ, на кого то спало правомъ, оного на держачомъ доходити, а дошедши,
водле права своего того уживати маеть. Такъже и такое именье, которы [так!] бы самъ
заставилъ або доживотьемъ кому пустилъ, волно ему мимо того, хто в заставе або
дожывотнымъ правомъ держати будеть, инъшому кому вечъностью пустити и право свое
вечное на кого хотелъ възнести и влити.
Артыкулъ 5.
Хто бы кому записалъ именье або землю по своемъ жывоте, а тотъ, кому записано,
того смеръти не дождалъ и перъвей умеръ.
Тежъ уставуемъ: естли бы кому хто записалъ урядовне имен[ь]е або люди по своемъ
жывоте, а тотъ, которому тая речъ будет записана, того смеръти не дождалъ, который то
ему будеть записалъ, и самъ наперед умеръ, тогды тотъ можеть тую речъ иншому
записати, кому воля его будеть. Нижли естли бы тотъ живъ былъ, а он, ему записавшы, и
потомъ иншому другимъ записомъ тое жъ записалъ, тогды тотъ першый записъ маеть пры
моцы зостати, а последний маеть ни въ во што оберъненъ быти. Такъ тежъ хто бы кому
Статут Великого княжества Литовского 1588 года [Электрон. ресурс]
Подг. О.Лицкевич. - Мн., 2002-2003.
http://starbel.narod.ru/statut1588.htm
именье, або люди, або земли продалъ, а потомъ бы тотъ же и тое жъ кому иншому
продалъ, тогды тотъ, хто первей купилъ, маеть то одеръжати, а тотъ, который опосле
купилъ, маеть п[е]н[е]зей своихъ на истъцу смотрети.
Артыкулъ 6.
Хто бы на которую речъ далъ записъ, передъ урядомъ зезнаный, тотъ записъ маеть
пры моцы зостати у кождого права.
Тежъ уставуемъ: хто бы хотелъ записъ справовати на которую речъ рухомую, тогды маеть
кождый на себе давати листъ записный подъ печатью своею и подъ печатми людей народу
шляхетъского, веры годныхъ, принамней трех албо двухъ особъ, и с подъписью руки
своее, естли хто писать умееть. А печати до листовъ не на заочную прозбу, ани тежъ за
писаньемъ листовънымъ прыкладаны быти мають, але за очевистою устною прозбою.
Ведъ же записы таковые кождые, а то естъ меновите, коли бы хто кому именье, люди або
кгрунты заставою пустилъ або позычывшы сумы на рокъ, оную суму на именью, людех
або кгрунтехъ записалъ, позволившы за неотданьемъ на рокъ сумы увъ именье, люди або
кгрунты добровольного увезанья, таковая застава и записы кождый на себе даючы маеть,
ставъшы очевисто передъ нами, г[о]с[по]д[а]ремъ, або передъ врядомъ земъскимъ або
кгродъскимъ судовымъ где наближъшомъ, сознати и то до книгъ вписати дати. А тотъ, хто
закупуеть, тежъ мает листъ свой, противъный тому, у кого закупует, дати подъ печатью
своею и с подъписью руки своее, и тежъ под трема або двема печатми люде[й]
сторонъныхъ, сознаваючи то, у кого што в чомъ закупилъ. А хто писати не умееть, ино
тотъ листъ свой и на вряде сознати маеть. А потомъ, кгды хто засе заставу свою у кого
выкуповати будеть, маеть и повиненъ будеть тотъ, хто п[е]н[е]зи свои береть, того
квитовати и оный листъ его записный верънути и такъже на томъ вряде и то до книгъ
уписати, ижъ ему досыть на тотъ описъ учинено. А естли бы хто, беручи п[е]н[е]зи свои,
того листомъ своимъ квитовати и до книгъ так же, яко ему то впередъ было учинено,
досыть учыненья его сознати не хотелъ, тогды за припозванымъ [так!] на рокъ завитый
повиненъ будеть, листъ его записный вернувшы, с того его квитовати и на вряде сознати,
и надъ то ещо стороне своей поводовой повиненъ будеть за доводомъ его шкоды и
наклады, што бы, позываючи о тое, наложилъ, заплатити. А тотъ тежъ, хто свою
властность выкупить, оный противъный листъ ему вернути. А будетъ ли до книгъ
записанъ, и в книгахъ то скасовати маеть таковымъ способомъ, то естъ кгды тотъ, который
будетъ закупил, сознаеть передъ врядомъ, ижъ се ему во всемъ томъ водлугъ запису
досыт[ь] стало, а писаръ у книгахъ подле тое справы на стороне рукою своею власною тое
сознан[ь]е и уморенье того запису коли напишетъ, тогды вжо тотъ записъ, хотя и в
книгахъ зостанетъ, жадное моцы мети не будетъ.
Артыкулъ 7.
О записохъ, которые мають бытъ у права прыймованы кромъ зезнанья урядового, и
о позычкахъ купецкихъ.
Уставуемъ, ижъ таковые листы записные под печатью и с подписомъ руки и под печатми
людей, веры годныхъ, яко се вышей поменило, а хто писати не умееть, тогды под печатью
его и подъ печатми намней трехъ шляхтичовъ, на суму п[е]н[е]зей або якую речъ
рухомую, позычоную на рокъ певный, кромъ позволенья за нимъ увезанья в ыменья або
люди и без зезнанья урядового дан[ь]е у права, за моцные прыймованы быти мають. Вед
же естли бы былъ тотъ, хто се запишеть, позванъ о невыполненье запису, а хотел ли бы
што противъ запису своему мовити або его не прызнавати, тогды тотъ не через
прокуратора у права усправедливятися маеть, але самъ повиненъ будеть перед судомъ