Статут Великого Княжества Литовского 1588 года

Подождите немного. Документ загружается.

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

если такая речъ с подкоморымъ отослана будетъ на кгрунтъ отъ суду кгродъского, тогды

сторона поводовая маеть свою противную сторону позвом тых двухъ врядниковъ

судовыхъ, земъскихъ, которые там поспети выехати будуть, такежъ яко и подъкоморого

позвомъ на шест[ь] недель и на рокъ завитый позвати. А если бы зима зашла, жебы передъ

снегомъ граничитисе не могло, тогды рокъ за позвы и очывисте маеть быти складанъ по

зъбеженью снегу водлугъ уваженья часу слушный и прыстойный. А апеляцыя и от тыхъ

двухъ врядниковъ, где бы се кому судъ ихъ не подобалъ, мает ити до суду головного, яко

и от подъкоморого. А за выеханьемъ комисаръскимъ тые врядники такежъ, яко и о

подъкоморомъ написано, винъни будуть на оную границу выехати и суда своего

комисаромъ справу дати, а комисары водлугъ права то конъчыти будуть. А за проездъ и

працу тымъ врядникомъ земъскимъ не иньшый доходъ в такой справе маеть быти, якъ

подъкоморому, а межы собою то наполъ делити будуть. А справы такие такежъ до книгъ

подъкоморъскихъ уписовать и до книгъ земъскихъ або кгродъскихъ сторона собе

перенести маеть.

Артыкулъ 12.

О отнятье именья в границахъ.

Уставуемъ: если бы которые от найвышъшого аж до нижъшого сътану особы, такъ

духовные, яко и светъские, мели именья, люди и земли, ловы и лесы, озера и бобровые

гоны в границахъ або в межахъ, а хотелъ бы одинъ другого, перешедъшы границу або

межу, в землю вступоватисе або в люди, земли, ловы и лесы, озера и сеножати, и

бобровые гоны отнимати, хотечы его с того именья або кгрунту входовъ, пожытковъ

якихъ вытиснути, тогды укрывжоная сторона маетъ о то противную свою сторону до суду

належного, водлугъ замеренья и порадку сего статуту, позвати, а тамъ за позвы передъ

судомъ належнымъ, если бы се тая речь промежку нихъ не сконъчыла, але бы на судъ

подъкоморого отослана была, ино кгды вжо в такихъ речахъ до розсудку подъкоморого

прийдетъ, маетъ з обудву сторонъ по девети светковъ передъ правомъ поставити на томъ

кгрунте пенъномъ. И кого зъ нихъ найдетъ подъкоморый ближшого ку доводу, а то с тыхъ

прычынъ, яко вышей в другомъ артыкуле сего розделу естъ поменено, того припустившы

ку доводу и оныхъ светъковъ, от него поставленыхъ, выслухавши, присегу ему с трема

светкома, которыхъ сторона противная с тыхъ девети оберетъ, сказати маетъ.

А кгды тымъ обычаемъ присегу самъчетвертъ учинит, тогды тотъ кгрунтъ, о который

споръ шолъ, одержати маетъ. А где бы у права то показалосе, ижъбы хто, отнявшы або

отнимаючы кому кгрунтъ або входы, пожытки якие, а о то до права былъ позванъ и на

оный кгрунтъ у суду жадного права яко листовного, такъ ани знаковъ слушныхъ и явныхъ

граничныхъ не показалъ и светков ку доводу водлугъ сего статуту ни одного не ставилъ,

только такъ голыми словы тот кгрунт своил, а сторона бы поводовая, якъ право листовные

або знаки слушные и явные граничные показала, также светки водлугъ сее науки

статутовое стали, тогды таковая сторона за показаньемъ права листовного або знаковъ

слушныхъ и кромъ присеги одно за сведецъствомъ девети светъковъ при кгрунте

зоставлена маеть быти. Одно жъ если бы тая сторона отпоръная, которая светков не маетъ,

бралася сама до присеги, а жалобная сторона ей допустити того не хотела, але сама за

присегу брала, тогды вжо жалобникъ такежъ толко самъ одинъ, без светковъ можетъ и

близшый будеть присегнути. А то жъ се маеть розумети и о поводовой жалобной стороне,

кгды бы кого о кгрунтъ позвавшы, а за собою сведецства на писме, также знаковъ

граничныхъ, ани светковъ не мела, тогды позваный при держанью своемъ близшый

будетъ самъ один присегнути.

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

Артыкулъ 13.

О такомъ, хто бы без причинъ слушныхъ правныхъ на року за позвы подъкоморого

не сталъ.

Тежъ уставуемъ: если бы которая сторона такъ отпоръная позваная, яко и жалобная, на

року, за позвы подъкоморого припаломъ, без причинъ слушных правныхъ, вышей, в семъ

же розделе выображоных, не стала, тогды подъкоморый стороне другой, которая року

пилновати будеть, тую речъ, о што промежку них право идеть и што на позве описано,

вжо без присеги жадное, одно яко тотъ, хто року пилнуеть водлугъ описанъя в позве з

светками своими границу або межу заведеть, сказати и на вечъность присудити маеть.

Однакъ же, забегаючи хитрости людской, и то варуемъ, ижъ где бы тая сторона, противъ

которое таковое заочное сказанье выйдеть, менила собе в томъ переводе права кривду за

утвореньемъ черезъ сторону ее року неправдивого, тогды в такой речи волно будеть ей о

злый переводъ права передъ тот же судъ подъкоморъский противную сторону свою

позвати, около чого они мають быти сужоны прикладомъ арътыкулу того, который естъ

постановенъ о злый переводъ права в розъделе четвертомъ.

Артыкулъ 14.

О светкохъ, якие мають быти припущоны до сведецъства.

Еще уставуемъ, ижъ светки о речъ земленую и о доводъ держан[ь]я земли, такъже и о

кождую речъ не мають ку сведецству припущаны быти жыдове, одно люди веры

хрестиянъское всякого стану и тые, которые привильемъ нашимъ ку сведецству

прыпущоны, толко бы были люди добрые, цнотливые, богобойные и ни в чомъ не

подозреные. Тогды таковые ку сведецству мають быти припущоны. А татарове, где бы се

имъ трафило о кгрунтъ межы соб[о]ю и з людми хрестиянъскими право вести, а скажут ли

имъ доводъ албо отводъ, тогды они водлугъ привильевъ своих и закону своего присегу

чынити мають. А в таковой справе ихъ хотя и татарове, толко бъ люди добрые, цнотливые

и веры годъные, светками быти могуть.

Артыкулъ 15.

Хто бы кому светки ганилъ.

Коли бы хто своволне и безъ слушное причыны стороне поводовой светки ганилъ, а онъ

если бы водле права поставилъ деветь светковъ, а тотъ бы межи тыми деветма светки не

обралъ трех веры годныхъ, а отставлялъ ихъ, хотечы имъ тымъ права сконъченъя

переказити, а тотъ, яко поводовая сторона, другими се светки не опатрылъ, а мелъ бы

тымъ на ономъ року завитомъ речъ свою упустити, тогды таковый, хто ганить светкомъ,

маетъ там же заразомъ передъ подъкоморымъ того слушным доводомъ на писме

доводити. А если бы того на нихъ, в чомъ имъ ганилъ, не довелъ и не показалъ, а

подкоморый узналъ бы то, же имъ прожно ганилъ и отставлялъ, тогды таковый

отставуючый тых светковъ кождого зособна зганеного светка водле стану повиненъ

будетъ навезати водлугъ роду ихъ: шляхтича яко шляхтича, а хлопа яко хлопа, такъ, яко

бы его ранилъ. А подкоморый або комисары навезку тую светкомъ таким заразомъ там же

маетъ сказати, а светковъ тыхъ ку сведецъству припустити. А если бы на которого светъка

або на колко ихъ того, в чомъ имъ приганитъ, и речъю самою довелъ, тогды тая сторона,

чые светъки будуть, маетъ на местце того або тыхъ зганеныхъ иншых светковъ поставити

- не может ли быть того дня, тогды назавтрее, а надалей третего дня. Пакли жъ бы се то

трафило, жебы собе светкомъ з обу сторонъ наганили и одинъ на другого светъковъ того

приганенья довелъ, тогды тые светки зганеные на обе стороне маютъ быти отставлены, а

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

знову инъшыхъ светковъ, людей веры годныхъ, неподозреныхъ з обу сторонъ мають

ставити и с тыхъ ку присязе обирать будуть.

Артыкулъ 16.

О землю обрубную и тежъ о суместные земли, яко мають доводъ чынить.

Тежъ уставуемъ: естли бы которой стороне о землю обрубъную ограничоную поводъ с

права былъ сказан, тотъ светковъ своихъ маеть подле обычаю права девети передъ

правомъ поставити, и якъ тотъ панъ або земенинъ, поколе с тыми светъками своими

границу заведшы, прысегу самъчетвертъ с трема светками учинить, потоль маеть граница

уделана быти. Нижли есъли бы право мели о землю сумежную, а не в одномъ местцу, але

порозну нивами або обрубами лежачую, а была бы тая земля ку одному двору або именью

шляхетскому, будь правомъ прырожоным або якимъ набытымъ прыслухаючая, тогды тые

жъ одны светки могуть о кождую ниву, сеножать або обрубъ светъчыти. И объв[е]дъшы

вси такие розные пенъные земли, потомъ сам тот пан, который ку доводу припущон будет

с трема светками, одным разомъ на вси тые земли присягу учинити маетъ. А подъкоморый

маеть имъ роту прысязе достаточную на вси тые земли одным разомъ, меновите их

списавшы, казати имъ выдати.

Артыкулъ 17.

Хто бы мелъ вести право з воеводою, з старостою и державцою о землю свою, а тотъ

бы мелъ именье в томъ же повете, где естъ врядникомъ.

Тымъ тежъ обычаемъ, если 6ы который врядникъ нашъ, маючы именье свое властное в

томъ повете зъ староства або державы своее, с которымъ шляхтичомъ о землю свою копу

вести мел, тогды маетъ справоватисе, яко вышей описано о кгрунтъ земъленый, маетъ

поставити деветь светковъ, шляхту и иныхъ людей добрыхъ, веры годныхъ, а не

подъданыхъ того вряду прысуду своего, але инъшыхъ сторонънихъ. И такъ тежъ

подъкоморый маетъ смотрети листовъ, границъ, знаковъ, и чые листы будут або границы

лепшые, тая сторона маетъ быти прыпущона ку доводу. Вед же если староста, деръжавъца

не мелъ ближшими граничниками тое земли пенъное людей инъшыхъ обчыхъ надъ людей

староства своего, тогды вжо пры инъшыхъ обчыхъ людяхъ и такими подъдаными нашыми

доводити будет мочы.

Артыкулъ 18.

Хто бы кому границу або межу сказилъ.

Коли бы шляхтичъ шляхтичу границу сказилъ або огнемъ выжогъ, або вырубалъ

кгвалтовне, або яко колвекъ инакъ выказилъ, або копцы роскопалъ, або межу сказилъ, або

бы привлащаючы хто собе болшъ кгрунту, а границы и знаки новые по чужой земли

кгвалтовне а безправне почынилъ, а было бы то на него правомъ переведено, тогды

таковый маеть заплатити ображоному дванадъцать рублевъ грошей, а подъкоморому копу

грошей, а за каждый копецъ скажоный три копы грошей. А если бы шляхтичъ шляхтичу

межу переоралъ, тогды за переоранье межы три рубли грошей, а подъкоморому полъкопы

[в оригинале: "полъсюпы"] грошей, а границу або межу, черезъ него скажоную, маетъ засе

передъ подъкоморымъ направити по-старому. А если бы простого стану чоловекъ

шляхтичу границу порубалъ, выжогъ, сказилъ або межу переоралъ и значне зопсовалъ,

тогды такий виненъ будетъ тому шляхтичу вины три рубли грошей заплатити, а границу и

межу по-первому направити. А где бы чоловекъ простого стану другому тежъ простого

стану чоловеку межу переоралъ и сказилъ, тогды за скаженье тое межы будетъ виненъ

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

заплатити рубль грошей, а межу направити, бо если бы кому ся кривда в границы або

межы видела, ино о то мают се правомъ спирати, а не кгвалтомъ. Вед же свою старую

границу або ст[ен]у [в оригинале: "стту"; трактовка дается по транскрипции в изд.: Статут

Вялікага князства Літоўскага. Тэксты. Даведнік. Каментарый. Мн., 1989 - О.Л.] зарослую,

где бы потреба указовала, поновити и поправити, то будет' волно учынити каждому на

своемъ властномъ кгрунте и по старыхъ знакохъ и границахъ, вед же от подъкоморого

коморника взявъшы и сторону через возного объвестившы, с кимъ границу тую маеть. А

если бы сторона не выехала або не выслала, то предъсе передъ коморникомъ волно

поновити, однакъ жо старыхъ знаковъ не псуючы. А коморникъ, бывшы при такой справе,

маетъ то до книгъ подъкоморого созънать и знаки поновленые вписать.

Артыкулъ 19.

О лесъ сумесный и о проробки.

Уставуемъ: если бы хто мелъ лесъ суместный неделный, а который участникъ всхочетъ

такий лесъ на пашню або на сеножать проробъливати, тогды тому волно будеть такий

лесъ теребити и проробливати. Вед же такъ, ижъбы другого або другихъ участниковъ

своих проробкомъ своимъ от ихъ кгрунтовъ не заходилъ, а ку тому большъ не займовалъ,

одно яко часть на его того лесу приходити будеть. А другимъ участникомъ своимъ, жебы

такъ много того лесу заставовалъ, яко имъ на части ихъ приходить, и такъже ровно

доброго к[г]рунъту, який онъ займетъ. А если бы хто болшъ своее части и лепшого

кгрунту проробилъ, а былъ бы о то до права позванъ, тогды з розсудку врядового виненъ

будетъ то, што болшъ надъ частъ свою занялъ, вчастникомъ своимъ пустити на томъ же

местъцы и такъже доброго, погожого и пожыточного местъца, яко бы всимъ вчастникомъ

ровно было. А противъ дерева порубаного болшъ надъ его часть тежъ дерева вчастникомъ

где на инъшомъ местъцу з своее властное части споручъ имъ такъ много и такъ доброго

завести. А не будет ли по тому лесу мети, тогды пенезми за доводомъ заплатити, вед же

половицою цены статутовое, нижей описаное. А где бы который участникъ потребовалъ

делу мети в селе або пущы суместной, а инъшые бы вчастники не хотели з нимъ делити,

тогды ему о тотъ розделъ волно будеть вчастниковъ своихъ до суду земъского на рокъ

завитый позвати. А тамъ с права маеть быти имъ делъ съказанъ на ровный [так!] части

водле права кождого з нихъ. А тотъ делъ маеть бытъ чыненъ тымъ порядкомъ, яко в

розделе шостомъ около розделу промежку братьи постановено.

Артыкулъ 20.

О реку, где граничыть.

Тежъ где бы река граничила именья або бы чый кгрунтъ, поля, сеножати, лесы к реце

прилегли, тогды кождый з берега своего мает ее до половицы уживати. Вед же в которыхъ

местцахъ и краехъ сего панства нашого и на такихъ сполныхъ рекахъ здавна досихъмест

былъ який обычай забиванья езовъ, затоковъ або сежъ, таковы[й] и впередъ захованъ быти

маеть. А где бы которая река граничьная на чи [так!] берегъ, песокъ незначне сыплючи,

прибавокъ чинила, тот прибавокъ маеть быти того пана, чый берегъ естъ. А если бы река

кгвалтомъ инуды пошла, тогды старое речыщо маеть быти предсе границою, а того

речища, будеть ли в ней який пожитокъ, также каждый з берега своего по половицы

уживати мають. А у тое реки граничное, которая се инуды обернула, обадва береги того

быти мають, чыимъ кгрунтомъ поидеть. А если бы хто реку перекопалъ умысльне ку

шкоде суседа своего, а о то бы его ку праву позвалъ и того бы на него довелъ водле права,

тогды маеть оному право сказати, абы засе реку по-старому загамовал, а за то будеть

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

повиненъ стороне жалобливой кгвалту дванадцат рублевъ грошей заплатит[ь], яко бы

границу сказилъ и вси шкоды, што в пожитокъ тое реки шкодовал, з розсудку оправити.

Артыкулъ 21.

Коли бы хто своим ставомъ инший ставъ або сеножати затопил або греблю к чужому

берегу присыпал.

Тежъ уставуемъ: коли бы хто у своей дедизне всю суполную реку мелъ, то естъ обадва бы

береги его были, а на ней ставы и млыны поставил, а суседние вышние млыны своим

ставом затопил, такъ ижбы ув ынших вышъших млынех за подвышеньем воды в нижнем

ставе мливо быти не могло, албо если бы сеножати затопил без воли того пана, чые

сеножати сут[ь], а онъ бы за то отмены взяти не хотел, к тому, если бы теж хто половицу

реки, то есть одинъ берегъ маючы, а присыпалъ греблю к берегу другому чужому або што

кгрунту, сеножати чужое водою занялъ и затопилъ, албо шкодливе подъмочылъ, такъ

ижъбы хто пожытку звыклого слушного, який передъ тымъ мевалъ с того кгрунту своего,

мети не могъ. А то бы учынилъ своволне без дозволенья того, чый другий берегъ тое рекл

або чый кгрунтъ затопилъ, або шкодливе подъмочыл, тогды таковый укрывжоный,

обведшы и оказавшы то возному и стороне, маеть того суседа своего первей в томъ

листомъ упоминальнымъ черезъ возного напоменутъ, абы воды знижылъ и греблю

новоприсыпаную от чужого берега откопалъ. А если бы того за упомненьемъ такимъ не

вделалъ, ино укривжоный о то до суду земского маеть позвати. А врядъ земский на

осуженье и на сконьченье таковую справу на судъ подъкоморого отослати маеть. А

передъ подкоморымъ покажетъ ли се то явне с права, же в которой с тыхъ речей кривда се

ему дееть, тогды подкоморый маеть на той противной стороне ему дванадъцать рублевъ

грошей кгвалту и к тому шкоды, што бы ихъ затымъ у замешканье млива або в

неужыванью кгрунту своего затопленого подънялъ, за доводомъ слушнымъ сказати. А

такового ставу, где хто оба береги свои маючы, воду ку шкоде млива суседнего

подвышилъ або чужого кгрунту залилъ або подъмочылъ, воду спустити и знижыти такъ,

яко бы и мливу верхнего ставу ничого не шкодило, и кгрунтовъ, сеножатей чужыхъ не

заливало и шкодливе не подъмочывало. А тую греблю, которая бы присыпана была к

чужому берегу, жебы роскопалъ и воду выпустилъ такъ, яко бы чужого кгрунту греблею

не дотыкалъся и водою его не заливалъ. Вед же хто бы черезъ давность земскую десеть

летъ о подтопленье млына своего, о присыпан[ь]е к своему берегу гребъли и о залитье

кгрунтовъ молчалъ и правомъ о то с противною стороною не поступовал, тогды вжо

таковый о то вечне молчати мает.

Артыкулъ 22.

Хто на чыей земли посеетъ збожье, якъ маеть заповедати возьнымъ, абы не звозилъ

до права.

Уставуемъ: хто бы на чыей земли збожъе якое кольвекъ без ведомости оного, чый

кгрунтъ, посеялъ, тогды тотъ, хто своею землею быти менуеть, маеть взяти листъ

заповедный от вряду земского або кгродъского того повету, в которомъ тотъ кгрунтъ

лежыть, и тымъ листомъ врядовымъ через возного и двух чоловековъ сторонъны [так!]

якого колвекъ стану маеть заповедати тое збоже самому тому пану або его вряднику, хто

будеть самъ або его подъданый посеялъ. А если бы самого пана або врядника возный в

дому не засталъ, або се указати не хотелъ, тогды покладаючы копею с того листу

заповедного на именью тымъ обычаемъ, яко о покладанью листовъ упоминальных естъ

доложоно. А в томъ листе заповедномъ, написавшы тую землю, где збоже засеяно

меновите и достаточне, яко где лежыть, маеть быти доложоно подъ закладомъ на врядъ и

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

сторону дванадцатма рублями грошей, абы тотъ, хто сеялъ, того збож[ь]я с того кгрунъту

не звозилъ, але пожавъши его перед возным и людми сторонъными, на то от стороны

жалобное послаными, и за ведомостью а поличеньем того возного и стороны поставил на

той же земли до права и опатрил то добрым зложеньем и огороженьемъ, яко бы в нем до

росправы шкода не сталася. И по той заповеди сторона жалобная мает сторону свою

противную надале[й] за шесть недел[ь] позвы подкоморого ку росправе о тую землю

позвати. А где бы зъ якихъ припалыхъ слушных правныхъ причын в шести неделях по

заповеди позвати не могъ, тогды еще ему часъ позыванья заставити маеть и через другую

шесть недель. И если бы тотъ, хто заповедалъ передъ подкоморымъ албо коморъникомъ,

довелъ того правомъ, што жъ оный противникъ его тое збоже будеть посеялъ на его

властной земли, тогды маеть ему быти яко земля, такъ и тое збожье и к тому кгвалту

дванадцать рублевъ грошей сказано. А где бы тое збожье заповедное погнило або

потравълено, тогды то ему противная сторона водлугъ статуту заплатити повинна будеть.

Если жъ бы хто черезъ заповедь права не дождавшы, оное збоже пожалъшы, с тое земли

прочъ звез, тогды маеть того закладу половицу стороне противной шесть рублевъ, а

другое половицы три рубли грошей подкоморому, а другие три рубли грошей вряду тому,

от которого листъ заповедный выйдеть, заплатити, которую заруку за отосланьемъ

подъкоморого врядъ стороне, подъкоморому и собе справити на именью того винъного

маеть, а збоже стороне з навезкою отдати або водлугъ статуту заплатити виненъ будеть. А

будет ли хто на своей власной земли сеяти, а другий ему то заповедавшы, а того бы

правомъ не довелъ, ижъбы его земъля была, таковый самъ маеть тотъ закладъ вряду и

стороне платити, а кгрунтъ и збоже пры томъ, хто сеялъ, маеть зостати. А хотя бы збожъе

погнило або стравлено было, того вжо онъ на противной стороне пойскивати не маеть,

кгды жъ, яко вышей доложоно, онъ то мелъ опатрити, яко бы с тое меры шкода збожъю не

была. Если бы се тежъ то трафило, жебы такое збоже пенъное, на поли зложоное, до

росправы судовное с поля покрадено, ино застанет ли при кгрунъте тотъ, хто сеял, тогды

ему тое жыто оный, хто прожно заповедалъ, виненъ заплатити, а собе в той шкоде

винного искати. Зостанет ли пакъ с права при кгрунте тот, хто заповедалъ, тогды онъ, хто

сеялъ, маеть ему тое збожье заплатити, а собе винъного в томъ исъкати. Такая жъ се

заповедь и росправа маеть точыть и о сеножатяхъ пенъныхъ. Пакли ж бы хто черезъ

дванадцать недель по заповеди стороны своее противное в такой речы передъ

подъкоморого не позвалъ, тогды тому, хто сеялъ, волно будеть збоже або сено свое

побрати. А будет ли в томъ часе покрадено, тогды тое шкоды на стороне противной

искати. А тому, хто заповедалъ, вжо толко о кгрунтъ волно будеть и по оныхъ дванадцати

неделяхъ правомъ чынити передъ судомъ належнымъ водлугъ порядку, въ артыкулехъ

инъшыхъ сего жъ розделу, вышей описаныхъ. А на пенной земли нихто кгвалтовне не

маеть збожья топътати и псовати, але се в томъ правне обыходить мають, яко вышей

описано подъ зарукою вряду и стороне, вышей в семъ арътыкуле помененою.

Артыкулъ 23.

Хто бы земли в держанью былъ, а другий, правомъ не переперъшы, жыто пожало

[так!] або жатое побралъ, або бой учынил, або соху зрубалъ.

Теж уставуем, иж коли бы хто которую землю держал у спокойном держанью, а с покоем

сеял або о[р]ал, а другий, пришедши на тое поле, жито пожал або жатое побрал, або

побил, потопътал, а вдарил самого або ч[е]л[о]в[е]ка его або которого колвекъ стану, або

соху, колеса, борону зрубал и сошники взял, таковый мает платити кгвалтъ дванадцат

рублев грошей. А если возмет без бою, тот мает шкоду заплатити з навезкою: коня -

конем, а вола - волом навезати, а за соху десет грошей, а за нароги дванадцат грошей, за

колеса дванадцат грошей, за борону шесть грошей заплатити. А потом, коли похочет,

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

держачого о тую землю мает правом водле права спирати. А если бы хто в кого кгрунтъ

отнималъ, а другий того боронил и в держанье не дал, тому мает быти право у суду

належного. И хто в земли будет винен, тот мает шкоды и кгвалтъ оправити, яко коло того

вышей описано.

Артыкулъ 24.

О увязан[ь]е в ымен[ь]е за долгъ або за инъшую причину, яко се мають справоват[ь].

Уставуем: если бы от насъ, г[о]с[по]д[а]ра, был послан дворанин нашь увязыватисе в чые

именье за суму п[е]н[е]зей, которая бы прислушала до скарбу нашого, тогды тот посланец

мает приехати до того именья и, вземши з уряду земского або замкового возного и людей

добрых, шляхту, оного именья люди вси и их маетности списати и один реестръ дати до

скарбу нашого, а другий до замку або до суду земского, а третий мает у себе зоставити для

того, абы в час помовки мел чым се выправити. Также и для того, жебы потом с тым же

тое именье, с чым взято, по заплате п[е]н[е]зей тому, чые будет, привернено было. Нижли

где быхмо мы, г[о]с[по]д[а]рь, часу росправы перед нами сторон въ якой справе, суду

нашому водлугъ сего статуту належачой, што на комъ сказали, тогды в такой речы маемъ

отсылати через листы нашы на отправу до вряду земъского або кгродъского в томъ

повете, где виноватого оселость лежыть и которому суду тая отправа належати будеть. А

врядъ, до которого отошлемъ, винен будеть отправу чынити водлугъ того, яко о отправахъ

речей сужоныхъ в розделе четвертомъ естъ доложоно, без жадное проволоки, але отъ

принесен[ь]я до враду листу нашого отосланого надалей за чотыри недели, звлаща, где бы

роки заплате пенезей, водлугъ статуту зложоные, не зашли. А будут ли роки положоны,

ино по выстью роковъ тому досытъ учынити, тежъ надалей до чотырох недель.

Артыкулъ 25.

О именье, которое, зволивъшыся, дадуть до рукъ нашыхъ, г[о]с[по]д[а]ръскихъ.

Тежъ уставуемъ, ижъ коли бы обедве стороне зволивъшися и дали именье в руки нашы,

г[о]с[по]д[а]рские, до росправы, а мы быхмо которому вряднику нашому або черезъ листы

нашы, або черезъ увязчого оное именье до воли и науки нашое в держанье дали, тогъды

врядникъ нашъ воленъ будеть в томъ именью слушную живность собе мети, а з двора

ничого не маеть возити, але будет повиненъ оное именье со всими речми рухомыми, такъ

тежъ и з доходы, часу д[е]ръжанья своего собраными, оной стороне, которо [так!]

прыслушаеть, верне а зуполне за листомъ нашымъ, г[о]с[по]д[а]ръскимъ, отдати и дозрети

того, жебы в ономъ именью за деръжанья его жадная шкода и спустошенье не сталосе. А

если бы тотъ врядникъ иначей вчынилъ, повиненъ будеть оной стороне шкодной всю

шкоду и згубу платити, а мы и потомки нашы винни будем с нимъ той стороне

справедливость за позвы вчынити на першомъ року яко на завитомъ.

Артыкулъ 26.

О именье нероздельное межы братьею або близскими.

Тежъ уставуемъ, ижъ коли бы которая братья рожоная або и далшые в роде, нижли братья

рожоная, зуполные лета маючы, мели которое именье суместъное нерозделное, а потомъ

бы добровольне зволившысе тое имен[ь]е собе на части зровнали и росписавшы промежку

себе поделили и на то листы и рейстра делчые под печатьми своими, а хто умееть писати -

и с подписью руки и теж под печатьми людей добрыхъ подавали, и тотъ делъ на враде

сознали, таковый делъ вечне трвати маетъ. Также и тот делъ вечне при моцы зоставати

маеть, который межы незгодными с права сказанъ и врадовне постановенъ будеть. А если

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

бы толко листы, реестра делчые промежку себе дали, а на вряде не сознали, а давность бы

земъскую черезъ десеть [в оригинале: «деесеть»] летъ по томъ деле задержали, таковый

дел предсе вечне держанъ будеть. Одно жъ где бы хто такий на вряде несознаный делъ,

давности тое не промолчавшы, хотелъ знову рушыти и о то бы братью свою або

близскихъ до права позвалъ, тогды такому предъсе делъ знову маеть быти сказанъ.

Вед же будут ли на листехъ делчыхъ положоны якие обовязки, заруки о невзрушанью того

делу, тогды такие заруки кождый водлугъ своего обовязку з розсудку правного заплатити

винен будеть, тежъ до делу приступити. А при кождомъ розделе вечыстом листы,

привилья при томъ зоставати мають, при комъ и именье тое зостанеть, на которое

привил[ь]я служать. А если бы было одно именье на ровные части поделено або бы одны

привилья на колко именъ, розно поделеныхъ, служыли, тогды такие листы, привилья, для

ведомости списавъшы на рейстра, тые рейстра промежку себе подъ печатми своими и

подъ печатми людей добрыхъ подавати, а самые листы до одного брата, до которого ся

сполне згодять, ку захованью дати мають. А тотъ, часу потребы ку праву братьи своей,

такихъ листовъ узычати маеть, але одинъ самъ без другое брат[ь]и такихъ листов рушати

не маеть. А всхочут ли такие листы, сполне належачые, до книгъ врядовыхъ земъскихъ

увести и с книгъ видимусы собе брати, то имъ волно будеть. Пакли жъ бы братья

близские, поделившысе, листы, рейстра делчые подававшы, а одинъ который або колко

ихъ не хотели того делу на вряде сознати, тогъды иншымъ о тое сознанье волно будеть до

вряду на рокъ завитый позвати. А где бы братья або близские ани листовъ делчых межы

себе не давшы, ани на вряде делу не сознавшы, толко промежку себе которое именье,

люди або земли ку ужыванью до часу розобрали, таковый делъ за вечный держанъ быти

не маеть и никоторая давность тому шкодити не можеть, а то для того, ижъбы одинъ над

другого болшое части собе не привлащал.

Артыкулъ 27.

В чужого чоловека не маеть нихто земъли закуповати безъ воли пана его.

Уставуемъ, ижъ в бояръ и в людей простыхъ князскихъ, паньскихъ и земяньскихъ нихто

земли закуповати, ани на лето ку паханью наймовати не маеть без воли пана его. А если ж

бы хто в чужого чоловека землю без воли пана его закупилъ або нанялъ и што на ней

посеялъ, тогды тое сеянье и пенези тратитъ. А тотъ ч[о]л[о]в[е]къ, чыя земля, маеть без

откладанья пенезей свою землю ку своимъ рукамъ взяти, а онъ на томъ ч[о]л[о]в[е]це его,

в которого будетъ землю закупилъ або нанялъ, и на паручнику, черезъ чые руки будеть

пенези давалъ, искати не маеть для того, ижъ онъ то учынил надъ тую уставу нашу. Также

и самого чужого чоловека, жоны и детей его не маеть нихто закуповати и наймовати без

воли пана его або врядника подъ утраченьемъ найму.

Артыкулъ 28.

О парукахъ людей простыхъ.

Уставуемъ, ижъ бояре панъцерные, путные и люди простого стану не мають без

ведомости и дозволенъя листовного пановъ своих никому по речахъ великихъ ручити,

одно жъ волно имъ будеть, хотя жъ безъ ведомости пановъ своихъ, ручити в речахъ

ровныхъ, то естъ надалей до чотырохъ копъ грошей. И хотя бы одинъ чоловекъ и по

розныхъ людех ручити хотелъ, предъсе такъ маеть ручити, яко бы чотырохъ копъ грошей

не перевышало.

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

Артыкулъ 29.

Которые люди прыходять на волю и, заседевшы волю, втечеть прочъ.

Уставуемъ: коли бы чоловекъ волный пришолъ за которого князя або пана и за земенина и

селъ на воли, а выседевшы волю або и не выседевшы до конца, хотелъ засе прочъ пойти,

тогды первей маеть заслужыти тому пану своему толко, колко на воли седелъ, тожъ пойти

прочъ. А если бы не хотелъ заслужыти, толко ж тогды маеть п[е]н[е]зми заплатити за

кождую неделю по шести грошей. А если бы онъ, заседевшы волю, утекъ за кого колвекъ,

ино тотъ, за кого втечеть, маеть ему выдати не мней яко отчыча. А если бы еще такий

чоловекъ, отходечы прочъ, и шкоду якую кому учинилъ, тогды и то на немъ за доводомъ

сказати маеть. Пакли ж бы на объсыланъе того ч[о]л[о]в[е]ка выдати не хотелъ, а тот

ч[о]л[о]в[е]къ потомъ от него втекъ прочъ, а то бы на него позвавшы о то до суду

належного на рокъ завитый правомъ переведено, тогды сам за него маеть платити за

кождую неделю колко на воли седелъ, а не робилъ, по шести грошей, также и шкоду,

черезъ оного ч[о]л[о]в[е]ка вчыненую, за доводомъ оправити.

Артыкулъ 30.

О найденью скарбу, захованого в земли або въ якомъ поклажею [так!].

Уставуем: коли бы се трафило кому знайти в земли який скарбъ: гроши, серебро, золото

або што иншое, яко се притрафляет находити, тогды если на своем кгрунте найдет, мает

скарбъ быти, чий кгрунт, а если бы на чыем иншом знашол, тогды половицу мает тому

дати, на чией земли знашол, а половицу собе взяти. Такъ теж и на заставной земли наполы

розделити мають. Вед же хто бы ся ку такому найденью кладу знати не хотел, а тот, хто

бы того искал, бралъсе до присеги, тогды тая противная сторона, на ком ищуть, ближшая

будет от того отприсягнутися, же не нашол.

Артыкулъ 31.

О портех водных и о товарохъ, стонулыхъ на водахъ.

Кгды бы ся трафило, воденым путем везучи якие товары и иные речи, с пригоды судно ся

розбило або стонуло при чыем колвекъ берегу, тогды оный товар стонулый купец або хто

ж колвекъ мает доброволне з воды выбирати и на берегъ вынести, а врядники наши,

кн[я]зи, панове и их врадники, земяне и люди простые, чий колвекъ берегъ естъ, не мають

от того ничого брати. А хто бы хотел в том оному стонулому трудность задавати, тогды

будет повинен всю шкоду, што будеть на том шкодовати, совито оправити.

Артыкулъ 32.

О дорогахъ старовечныхъ.

Уставуем, иж дороги, великие гостинцы мають быти водле стародавного обычаю такъ

широкие, абы на полтора прута быти могли. А воз порожний мает уступовати возу

наложоному, пеший - езному, езный - возу. А то если бы тесная дорога была, яко на

мостех и в ынших злых разех, а часу зимнего, кгды снегъ бывает великий, мають,

поткавшися, дорогу по половицы делити, а одинъ другого спихати не маеть.

Статут Великого княжества Литовского 1588 года [Электрон. ресурс]

Подг. О.Лицкевич. - Мн., 2002-2003.

http://starbel.narod.ru/statut1588.htm

Розделъ десятый: «О пущу, о ловы, о дерево бортное,

о озера и сеножати».

Артыкулъ 1.

О ловы.

Уставуемъ: хто бы чые ловы кгвалтомъ половилъ, тогды тому, в чыей пущи будеть

половилъ, маеть кгвалъту заплатити дванадцать рубле[й] грошей, а зверу, колько будеть

уловилъ, ценою, якъ нижей описано, маеть платити. А если бы хто стрельцовъ послалъ у

чужую пущу або самъ таемне звер побилъ, тогды, если будеть то на него слушнымъ

доводомъ переведено, колко зверу убито, таковый маеть за кождое звера платити по тому,

яко нижей описано. А естли бы стрельца поймано надъ зверомъ убитым в пущы, таковый

веденъ быти маеть до вряду нашого, до замъку албо до двора судового того повету, в

которомъ то ся станеть, и через листъ урядовый пана того стрельца або его врядника

обослати, кладучы с того листу через возного копею на именью томъ пана оного, с

которого тотъ стрелецъ в пущу чужую ходилъ, и рокъ праву складаючы водлугъ

далекости дороги надалей до двухъ недель, абы ку прыслуханью того права до вряду

нашого прыбылъ. А кгды с права за доводомъ слушным тотъ стрелецъ в томъ виннымъ

найденъ будеть, тогды за тое звера совито заплатити повиненъ будеть. А за вину, же у

чужую пущу стреляти ходилъ, маеть седети у везенью в замку або в дворе нашомъ шесть

недель и не маеть быти выпущонъ з везенья, ажъ за зверъ заплату учынить. А где бы панъ

того стрельца або урядникъ на рокъ, от вряду зложоный, не прыбылъ, тогды вжо врядъ

самъ маеть того стрельца такъ, яко вышей описано, судити. А естли бы хто застрелилъ

албо ранилъ звера у своей земли, а тотъ зверъ ушолъ бы у чужую землю, тогъды, хотя за

ранъным зверомъ, через границу у чужую землю нихто ходити не маеть, а хто бы за

границу зашедъшы, звера того добилъ, тогды таковой жо вине, яко вышей в семъ

арътыкуле естъ описано, подлегаеть. Ведъ же за волъкомъ и лисицою зо псы и на чужый

кгрунтъ в поляхъ и в заросляхъ волно ехати, толко бы шкоды якое в подоптанью [так!]

збожъя не вчынилъ.

Артыкулъ 2.

Цена зверомъ дикимъ.

Уставуемъ цену зверомъ дикимъ, которое бы черезъ кого было убито у чужой пущы: за

зубра - дванадъцать рублей грошей, за лося - шесть рублей грошей; за оленя або за ланю -

шесть рублей грошей; за медьведя - тры рубли грошей; за коня або за кобылу дикую - тры

рубли грошей; за вепра або за свинью - рубль грошей; за саръну - копу грошей; за рыся -

три рубли грошей; за соболя - два рубли грошей; за куну - полъкопы грошей.

Артыкулъ 3.

О борти, о озера и сеножати, хто маеть в чыей пущы.

Тежъ уставуемъ: которые мають борти свои в пущы нашо[й], г[о]с[по]д[а]рской, або тежъ

князской, паньской и земяньской которымъ обычаемъ мають бортей своихъ ужывати, а то

тымъ обычаем: хто маеть борти свои або озера, або сеножати, або при сеножатехъ лазни у

чыей пущы, тогды к озеру з неводомъ ехати волно, а собаки ему не брати, ани рогатины,

ани жадное стрелбы, чым бы мелъ в зверу шкоду учынити. А хто маеть сеножати в чыей

пущы, тотъ маеть сеножатей своихъ старыхъ ужывати, а новыхъ не маеть прибавляти. А

если бы старые сеножати заросъли, тотъ можеть ихъ засе собе ростеребити. Хто тежъ мает

борти у чыей пущы, бортники, которые мають ходити ку ихъ бортямъ, не мають из собою