Лекции по делопроизводству (на казахском языке)

Подождите немного. Документ загружается.

Ізгі ниетпен,

Қазақ филологиясы кафедрасының ұжымы

Тапсырма:

● Досыңызды наурыз мерекесімен құттықтаңыз

● Абылай хан атындағы ҚазХҚжӘТУ-дің ректоры, академик С.С. Құнанбаеваны

университеттің құрылғанына 65 жыл толуымен құттықтаңыз

● Елбасы Н.Назарбаев атынан Бейжің олимпиадасының чемпионы Бақыт

Сәрсекбаевқа құттықтаухат жазыңыз

№1 СОӨЖ.

Сабақтың тақырыбы: Қазақ тілі- мемлекеттік тіл. Тіл туралы Заң, І тарау, 4-бап.

II тарау, 8-бап, 10-бап.

Сабақтың мақсаты: ҚР – ның тіл туралы Заңы, мемлекеттік тіл ұғымы жөнінде

мәлімет беру; қазақ алфавиті, төл дыбыстары, жіктеу, сұрау есімдіктерін қайталап,

үндестік заңын меңгерту; төл құжаттармен танысу.

Қазақстан Республикасының тіл туралы Заңы

1997 жылғы 11 шілде №151-1

Осы Заң Қазақстан Республикасында тілдердің қолданылуының құқықтық

негіздерін, мемлекеттің оларды оқып – үйрену мен дамыту үшін жағдай жасау

жөніндегі міндеттерін білгілейді, Қазақстан Республикасында қолданылатын

барлық тілге бірдей құрметпен қарауды қамтамасыз етеді.

4 – бап. Қазақстан Республикасының мемлекеттік тілі

Қазақстан Республикасының мемлекеттік тілі – қазақ тілі.

Мемлекеттік тіл – мемлекеттің бүкіл аумағында қоғамдық қатынастардың

барлық саласында қолданылатын мемлекеттік басқару, заң шығару, сот ісін

жүргізу және іс қағаздарын жүргізу тілі.

Қазақстан халқын топтастырудың аса маңызды факторы болып табылатын

мемлекеттік тілді меңгеру – Қазақстан Республикасының әр бір азаматының

парызы.

Үкімет, өзге де мемлекеттік, жергілікті өкілді және атқарушы органдар:

Қазақстан Республикасында мемлекеттік тілді барынша дамытуға, оның

халық аралық беделін нығайтуға;

Қазақстан Республикасының барша азаматтарының мемлекеттік тілді еркін

және тегін меңгеруге қажетті барлық ұйымдастырушылық, материалдық –

техникалық жағдайларды жасауға;

Қазақ диаспорасына ана тілін сақтауы және дамытуы үшін көмек көрсетуге

міндетті.

II - тарау

Тіл – мемлкеттік және мемлекеттік емес ұйымдар

мен жергілікті өзін - өзі басқару органдарында

8 – бап. Тілдердің қолданылуы

Мемлекеттік тіл Қазақстан Республикасы мемлекеттік органдарының,

ұйымдарының және жергілікті өзін - өзі басқару органдарының жұмыс және іс

қағаздарын жүргізу тілі болып табылады, орыс тілі ресми түрде қазақ тілімен тең

қолданылады.

Мемлекеттік емес ұйымдардың жұмысында мемлекеттік тіл және қажет

болған жағдайда басқа тілдер қолданылады.

10 – бап. Құжаттама жүргізу тілі

Қазақстан Республикасының мемлекеттік органдары жүйесінде,

ұйымдарында, меншік нысанына қарамастан, статистикалық – есеп, қаржы және

техникалық құжаттама жүргізу мемлекеттік тілде және орыс тілінде қамтамасыз

етіледі.

IV - тарау

Тіл – елді мекен атауларында, жалқы есімдерде, көрнекі ақпаратта

19 – бап. Топонимикалық атауларды, ұйымдардың

атауларын пайдалану тәртібі

Елді мекендердің, көшелердің, алаңдардың, сондай-ақ басқа да физика –

географиялық объектілердің дәстүрлі, тарихи қалыптасқан қазақша атаулары

басқа тілдерде транслитерация ережелеріне сәйкес берілуге тиіс.

Мемлекеттік ұйымдардың, олардың құрылымдық бөлімшелерінің атаулары

мемлекеттік тілде және орыс тілінде беріледі. Бірлескен шетелдік ұйымдардың

атаулары мемлекеттік тілде және орыс тілінде транслитерация арқылы беріледі.

20 – бап. Кісі есімін, әкесінің есімін және тегін жазу

Кісі есімін, әкесінің есімін және тегін ресми құжаттарда жазу Қазақстан

Республикасының заңдары мен нормативтік құқықтық актілеріне сәйкес келуге

тиіс.

№2 СОӨЖ.

Сабақтың тақырыбы: Рим цифрларының жазылуы. Іс қағаздарына байланысты

сөздік.

Сабақтың мақсаты: Рим цифрларының жазылуын меңгертіп, қолдануға үйрету.

Сөздік құрастыру.

Рим цифрлары ондық разрядты білдіретін төрт белгіден және олардың

жартысын білдіретін үш белгіден тұрады.

I – 1 XVII – 17 LXXIX – 79

II – 2 XVIII – 18 XC – 90

III – 3 XIX – 19 XCV – 95

IV – 4 XX – 20 C – 100

V – 5 XXV – 25 CL – 150

VI – 6 XXIX – 29 CC – 200

VII – 7 XXX – 30 CD – 400

VIII – 8 XXXV – 35 D – 500

IX – 9 XXXIX – 39 DC – 600

X – 10 XL – 40 DCC – 700

XI – 11 XLIX – 49 DCCC – 800

XII – 12 L – 50 CM – 900

XIII – 13 LV – 55 M – 1000

XIV – 14 LIX – 59 MD – 1500

XV – 15 LXIX – 69 MM – 2000

XVI – 16 LXX – 70 MMM – 3000

Рим цифрларының үстіне қойылған сызықша ол санның мәнін мың есе

көбейтеді. Мысалы: С – 100000; Х – 10000.

№3 СОӨЖ.

Сабақтың тақырыбы: Бас әріппен жазылатын, қысқарған сөздердің, сан

есімдердің жазылуы.

Сабақтың мақсаты: Іс қағаздарды толтырғанда дұрыс, сауатты жазу үшін

қолданылатын қысқартулар мен жиі кездесетін сөздер, сөз тіркестерін меңгерту.

Аббревиатуралардың жазылуы

1. Әріптердің аталуы бойынша оқылатын аббревиатуралар септелмейді және бас

әріптермен жазылады.Мысалы: ХШЖК, БҰҰ, ЖМУ.

2. Буын бойынша оқылатын аббревиатуралар септеледі және былай жазылады:

а) егер жалқы есімдерден түзілсе, бас әріптермен:

ҚазМҰУ,ЖАК(ҚазМҰУ-ге,ЖАК-тың).

б) егер жалпы есімдерден түзілсе, кіші әріптермен(қазақ тілінде ондай

қысқартулар жоқтың қасы)

Мына сөз тіркестері былай жазылады:

Қазақстан Республикасы Президентінің Бейбітшілік пен рухани келісім үшін

сыйлығы.

Мемлекеттік жоғары өкімет органдарының атауларындағы барлық сөздер

бас әріппен жазылады:

Қазақстан Республикасының Жоғарғы Кеңесі.

Қазақстан Республикасының Жоғарғы Кеңесінің Президиумы.

Қазақстан Республикасының Жоғарғы Кеңесі Заң актілерінің және тұрақты

комитеттері мен комиссияларының атауларындағы бірінші сөздер мен жалқы

есімдер бас әріппен жазылады.

Ұлттық саясат, мәдениет пен тілді дамыту жөніндегі комиссия.

Қазақстан Республикасының Жоғарғы Кеңесінің Жастар істері жөніндегі

комитеті.

Мәслихат сөзі өкімет органы мағынасында жекеше түрде де көпше түрде де

барлық жерде бас әріппен жазылады.

Өкілетті органдардың Алматы облыстық Мәслихаты.

Министрліктердің, мемлекеттік комитеттердің, басқа да республикалық

мекемелердің бірінші сөзі бас әріппен жазылады:

Қазақстан Республикасының Білім және ғылым министрлігі.

Қазақстан Республикасының Сыртқы істер министрлігі.

Қазақстан Республикасының Су ресурстары жөніндегі мемлекеттік комитеті.

Қазақстан Республикасының Министрлер Кабинеті жанындағы Мұрағаттар

мен құжаттама Бас басқармасы.

Егер де мекеме атаулары көпше түрде берілсе, кіші әріппен жазылады:

Қазақстан Республикасының мемлекеттік комитеттері.

Қазақстан Республикасының министрліктері мен ведомстволары,

мемлекеттік комитеттері және басқа да мекемелері.

Коллегия, бұйрық сөздері кіші әріппен жазылады:

Қазақстан Республикасының Әлеуметтік қамсыздандыру министрлігінің

коллегиясы.

Қазақстан Республикасының Азаматтық қорғаныс штабының бұйрығы.

№4 СОӨЖ.

Сабақтың тақырыбы: Өмірбаян жазу. Терминдік аударма жұмысын орындау.

Сабақтың мақсаты: Өмірбаян жазуды, практикалық жолмен меңгерту; сан

есімдерді, жалқы есімдерді, етістіктің өткен шағын қайталау. Жер-су атаулары.

Өмірбаян

Өмірбаян (автобиография) – жеке адамның өмірінен мәлімет беретін іс

қағаздарының бір түрі. Өмірбаян әдетте оқуға түсу, жаңа қызметке тұру кезінде

жазылады. Онда әр адам өзінің туған күні, айы мен жылынан бастап, жері, тегі,

отбасы, білімі, атқарған қызметі, мамандығы туралы сатылып қысқаша жазып

шығады. Өмірбаян қолмен (кейде арнайы бланкте) жазылады.

Міндетті мәліметтер:

1. Құжаттың аты (өмірбаян)

2. Аты-жөні, туған жылы, айы, күні, туған жері

3. Ұлты

4. Білімі, оқыған оқу орындары

5. Қоғамдық – саяси қызметі

6. Ата-анасы, жұбайы, балалары туралы мәлімет

7. Қазіргі жұмысы, мекенжайы

Негізгі сөздік

үйленбегенмін - не женат

үйленгенмін - женат

тұрмысқа шықпағанмын - не замужем

тұрмысқа шыққанмын - замужем

әскери қызметке міндеттімін - обязан к воинской службе

қосымша мәліметтер - дополнительные сведения

түсу - поступить

бітіру - окончить

әскери қызметті өтеу - выполнять воинскую службу

жұмыс істеу - работать

Үлгімен танысыңыз

Мен, Қуаныш Өмірбекұлы, 1963 жылы 1 мамырда Семей облысы, Аягөз

ауданы, Баршатас ауылында тудым. Ұлтым – қазақ. 1970 жылдан 1980 жылға

дейін Баршатас орыс орта мектебінде оқыдым. 1980 жылы Қазақ политехника

институтының компьютерлік техника факультетіне оқуға түстім. Институтты

бітірген соң 1985 – 1988 жылдар аралығында Ғылыми – жобалау институтында

жұмыс істедім. 1980 жылғы 1 қыркүйекте Қазақ политехника институтының

металлургия өнеркәсібі кафедрасына ауыстым. Қазір осы кафедраның аға

оқытушысымын.

Ата-анам бар. Әкем - Өмірбек Қадіров, құрметті зейнеткер; анам – Хадиша

Қасымова ұзақ жылдар бойы мұғалім болып істеді, қазір – зейнеткер. Отбасым

бар: жұбайым – Жазира Дүсибайқызы, жоғары білімді маман, дәрігер. Екі балам

бар, олар мектепте оқиды.

Әскери қызметке міндеттімін, аға лейтенант атағым бар.

Қосымша мәліметтер: қазақ, орыс және ағылшын тілдерін жетік білемін, ЭЕМ

(ЭВМ) бағдарламаларын толық меңгергенмін, Интернетте жұмыс істей аламын.

Мекенжайым: Алматы қ., “Қазақфильм” шағын ауданы, 47-үй, 12-пәтер.

Тапсырма:

1. Үлгі бойынша өзіңіздің өмірбаяныңызды жазып келіңіз.

2. Сіз ҚР Парламенті Мәжілісінің депутаттығына үміткерсіз. Сіздің

өмірбаяндық мәліметтеріңіз:

Аты-жөніңіз – Бақтығалиев Дархан Сатайұлы (Бақтығалиева Аян

Айдарқызы).

Жасыңыз – 34-те.

Алматыдағы №12 мектепте оқыдыңыз.

М. В. Ломоносов атындағы Мәскеу мемлекеттік университеті жанындағы Азия

және Африка елдері институтын бітірдіңіз.

Мамандығыңыз – шығыстанушы-тарихшы.

Әскери борышыңызды атқардыңыз.

Қазіргі қызметіңіз – “Арай” ашық акционерлік қоғамының директоры.

Қосымша мәліметтер: мақалаларыңыз, кітаптарыңыз жарияланды.

Олардың тақырыптары: “Республикада демократия негіздерін

қалыптастыру” т.б.

Отбасы жағдайыңыз туралы жазыңыз.

3. Тағы қандай мәліметтер қоса аласыз.

4. Белгілі қоғам қайраткерінің өмірбаянымен танысыңыз:

Дінмұхамед Ахметұлы Қонаев

Дінмұхамед Ахметұлы Қонаев 1912 жылғы 12 қаңтарда Алматы қаласында

туған.

1936 жылы М. И. Калинин атындағы Мәскеу түсті металдар және алтын институтын бітіргеннен кейін тау-кен инженері

мамандығы бойынша Балқашқұрылыста әуелі бұрғылау станогының машинисі, шебер, ауысым инженері, участке

бастығы, бас инженер, Балқаш мыс еріту комбинаты Қоңырат кенішінің директоры болып жұмыс істеді, кейін

“Алтайполиметалл” комбинатында, Риддер кенішінде басшы қызметтер атқарды.

1942-1952 жылдары – Қазақ ССР Министрлер Советі Төрағасының орынбасары.

1952-1953 жылдары – Қазақ ССР Ғылым академиясының Президенті.

1955-1964 жылдары – Қазақ ССР Министрлер Советінің Төрағасы.

Кейінгі жылдары – Қазақстан Компартиясы Орталық Комитетінің бірінші секретары.

Д. А. Қонаев – тау-кен ғылыми, қоғамдық ғылымдар бойынша 100-ден астам еңбек жазған, қазақ саяси-әлеуметтік

қоғамы мен ғылымының дамуына айрықша үлес қосқан көрнекті қоғам қайраткері ірі ғалым. Ол – үш мәрте Еңбек Ері.

Бірнеше ордендермен, медальдармен, аттақтармен марапатталған.

5. Берілген мәтінді ауызша айтып беріңіз. Жаңа сөздер мен сөз тіркестері бойынша жұмыс істеңіз.

6. Берілген кесте, тұрақты сөз орамдарына назар аударыңыз, пайдаланып сөйлеңіз.

Өмірбаян

Мен _____________________________, 1963 жылы 12 мамырда, Алматы

қаласында, қызметкерлер отбасында дүниеге келдім. Ата-анам «Қызыл-Ту»

ғылыми-өндірістік бірлестігінде: әкем – Достанов Омар – инженер–конструктор,

шешем – Достанова Гүлмәрия – кадр бөлімінің инспекторы болып қызмет

атқарады.

1980 жылы мен №33 қалалық орта мектептің 8 сыныбын бітіріп, №9 кәсіптік-

техникалық училищеге түстім. Оны 1981 жылы бітіріп, стенографияны, шетелдік

машинкада басу және ұйымдастыру ісінің техникасын меңгерген хатшы-

машинистка мамандығын алдым. Училищені бітірген соң, Қазақстан Республикасы

Жеңіл өнеркәсіп министірлігінің машбюросына жолдама алдым.

1983 жылы машина бюросының меңгерушісі қызметіне ауыстырылдым. 1984

жылдың тапсырмаларын табысты орындағаным үшін Министрліктің Құрмет

грамотасымен марапатталдым. 1985 жылы Министрліктің іс жүргізуші

қызметкерлерінің кәсіптік шеберлігі байқауында бірінші орын алдым.

Тұрмысқа шыққанмын. Күйеуім – Отарбаев Аманжол Отарбайұлы, 1961

жылы туған. «Алматықұрылыс» акционерлік-коммерциялық бірлестігі, стандарттау

бөлімінің инженері. Екі баламыз бар. Ұлымыз – Отарбаев Азамат Аманжолұлы,

1989 жылы туған және қызымыз – Отарбаева Назым Аманжолқызы, 1991 жылы

туған. Алматы қаласының›Бостандық ауданындағы №212 «Ертөстік» балалар

бақшасына барады.

Менің мекен-жайым: 480100, Алматы қаласы, Бөгенбай батыр көшесі, № 94-

үй, № 82-пәтер. Үй телефоны: 61-80-36

›

21.01.94.

№5 СОӨЖ.

Сабақтың тақырыбы: Резюме құрастыру.

Сабақтың мақсаты: Резюме құрастыруды практикалық жолмен меңгерту.

Резюме

Резюме француз тілінен алынған термин. "Айтылған я жазылған мәселенің

қысқаша түйіні" деген мағына береді.

Түйіндеме — белгілі бір тұлғаның өмірбаяны, білімі, мамандығы, кәсіптік

шеберлігі, біліктілігі, икемділігі, жайлы нақты, қысқа мәлімет беретін іс қағазының

бір түрі.

Жазылған түйіңдеме сіз туралы толық мәлімет беруі үшін, онда сіздің

біліміңіз, біліктілігіңіз, жеткен жетістігіңіз, жұмыс тәжірибеңіз, не нәрсеге

икемділігіңіз бар екені айтылуы керек. Түйіндеме сіздің кең көлемдегі визит

карточкаңыз іспеттес. Түйіндеме жазуда сіздің мақсатыңыз — өз өмірбаяныңыз

бен жұмыс тәжірибеңізді, мамандығыңызды, икемділігіңізді ұтымды көрсете білу.

Жиналған мәліметтерді түйіндемеге берудің 2 жолы бар: хронологиялық

және функционалдық.

Хронологиялық тәсіл. Алдымен қазір істеп жүрғен жұмысыңыз көрсетіледі

де, ары қарай хронологиялық ретпен жазылады. Яғни, соңғы орында сіздің бірінші

жұмыс орныңыз, я болмаса бірінші аяқталған оқу орны жазылады.

Егер сіздің жұмыс стажыңыз көп болса, алдымен кәсіптік жолыңызды

көрсеткеніңіз дұрыс. Ал оқу орнын жаңа аяқтаған, қызметі жаңа бастағалы тұрған

адам оқыған оқу орны, алған мамандығы жайлы мәселені басты назарда ұстайды.

Функционалдық тәсіл. Бұл тәсіл білімі мен біліктілігі, жұмыс тәжірибесі мол

адамға лайықты. Мұнда жұмыс стажы кері хронологиялық ретпен беріледі де, одан

кейін білімі жайлы мәліметтер көрсетіледі. Егер бір мекемеде бірнеше жыл

қатарынан істесеңіз, оңда жұмысыңыздың жалпы сипаты өзгермеген болса, бәрін

тізіп жатпай-ақ, қысқаша жазуға болады. Мысалы, "1991—1999 жылдар

аралыгында Машина жасау заводында экономист, ага экономист, директордың

орынбасары қызметтерін атқардым ".

Соңғы жұмыс орнынан немесе жеке адамның атынан алынған кепілдеме

болса, оның бар екенідігі түйіндемеде бір сөзбен айтылуы керек. Қажет деп тапқан

жағдайда ол түйіндемемен бірге тапсырылады.

Сонымен, типтік түйіндеменің құрылымы төмендегідей болады;

1) құжат аты;

2) ізденушінің жеке басы туралы мәлімет (аты-жөні, туған күні, жылы, туған

жері);

3) ізденушінің мекен-жайы, телефоны;

4) түйіндеме авторы үміттеніп отырған вакансия;

5) істеген жұмыс орны мен оқыған оқу орны, атқарған қызметі, мамандығы

көрсетілген негізгі мәтін;

6) қоғамдық, кәсіптік т.б. жұмыстары туралы қосымша мәлімет;

7) кейбір қосымша мәліметтер (шет тілдері, шетел сапарлары, автомобиль

жүргізе білетіндігі т.б.);

8) ғылыми дәрежесі, марапаттары туралы мәлімет (бұл жөнінде жазу

міндетті емес);

9) үміттенген вакансияға қатысты кейбір жеке бас қасиеттері, икемділігі (бұл

бөлім де міндетті емес);

10) қосымша ақпарат (ізденуші қалауынша жазылады);

11) кепІлдеме;

12) түйіндеменің жазылған күні;

13) ізденуші қолы.

резюме

Жүнісова Айнұр

Мекен-жайы: Астана қ.

Кенесары көшесі, 225-үй, 72-пәтер

Үй тел. 36-75-92

Жұмыс тел. 32-43-02

Өзім туралы:

Туған күні, айы, жылы: 01.03.73 ж.

Ұлты: қазақ

Отбасы жағдайы: тұрмыста

Білімі: Астана қаласындағы

көлік және коммуникациялар

инженерлерінің институты, инженер.

Жұмыс тәжірибесі: Локомотив депосында инженер болып істеді. 1996-1998 ж.

1998 жылдан қазіргі уақытқа дейін “Қазақстан темір жолы ” ЖАҚ Ұлттық

компаниясында бас маман болып істейді.

Біліктілігі және білімділігі: қазақ тілі – ана тілі, орыс тілі – еркін,ағылшын тілі –

сөздікпен аударады, компьютерде жұмыс істей алады.

Қосымша мәліметтер: спортпен шұғылданады, бимен айналысады.

Қызығушылығы: компьютер

№6 СОӨЖ.

Сабақтың тақырыбы: Анықтама, мазмұны мен құрылымы.

Сабақтың мақсаты: Анықтама жазуды практикалық жолмен меңгерту.

Анықтама

Анықтама – белгілі бір деректі дәлелдейтін, растайтын, сипаттайтын құжат.

Ол көп жағдайда жеке адамға байланысты нақты ақпаратты растау үшін беріледі.

Мысалы, тегі, туған күні, туған жері, қызмет орны, жалақысы, отбасы жағдайы, оқу

орны туралы мәлімметтер. Берілетін анықтамалар нөмірленеді.

Анықтама мазмұны қысқа болады. Ең алдымен жолдың ортасынан

“Анықтама” деген сөз, сосын азат жолдан анықтама мәтіні жазылады. Онда

анықтама кімге, не үшін берілгені және қай мекемеге берілгені көрсетіледі.

Соңында мекеме басшыларының қолы қойылып, мекеме мөрі басылады және

жарамдылық мерзімі жазылады.

Үлгімен танысыңыз:

Анықтама № 34/1

2 мамыр 2004 ж.

Осы анықтама студент Ахатова Назымға берілді.

Ахатова назым шын мәнінде Абылайхан атындағы Қазақ халықаралық

қатынастар және әлем тілдері университетінде халықаралық қатынастар

факультетінің 4 курсында оқиды.

Анықтама ұлтты кітапханаға тапсыру үшін берілді.

Анықтама 10 күн өз күшінде.

М.Ө. Оқу бөлімінің бастығы Ж.Сабырова

№7 СОӨЖ.

Сабақтың тақырыбы: Кепілхат жазудың тәртібі.

Сабақтың мақсаты: Кепілхат жазуды, құрастыруды практикалық жолмен

меңгерту; жіктеу есімдігі, өткен шақ және ауыспалы осы шақ формаларын

қайталау; жалқы есімдерді, реттік және есептік сан есімдерді қайталау.

Негізгі сөздік

куәландыру - удостоверяю

Тараптардың қолы - подписи Сторон

міндеттенемін - обязуюсь

пайыз төлеу - уплатить процент

үш дана етіп жасалған - составлено в трех экземплярах

келісімшартқа сәйкес - в соответствии с договором

басқа талабым жоқ - других претензий не имею

кепілхат - гарантийное письмо,

поручительство

жекеменшік - собственность

қолхат беруші - подписывающий

Кепілхат

Алматы қаласы, 1999 жылғы он жетінші қараша

№7 нотариалдық кеңсе 1999 жыл он жетінші қараша.

Мен, Байболов Ұлықбек Сәрсенұлы, мекенжайым: Алматы қаласы,

Бейбітшілік көшесі, 41-үй, 72-пәтер, жеке басының куәлігі № 91957563, ҚР-ның ІІМ

1998 жылы 07 сәуірде берген, Алматы қаласы, Қонаев көшесі, 114-үй, 7-пәтерде

тұратын азамат Керімбекова Жұлдыздан 100000 мың (жүз мың теңге) алдым.

Өз міндеттерімді орындауға:

- келісімшартқа сәйкес пайызын төлеп тұруға;

- алынған ақшаны келісілген мерзімде қайтаруға;

- келісімшарт талаптары орындалмаған жағдайда айып төлеуге;

- мекенжайым өзгерген жағдайда бұл туралы үш күн мерзім ішінде

хабарлауға кепілдік беремін.

Осы кепілхат үш дана етіп жасалған, бір данасы Алматы қаласы №7

нотариалдық кеңседе тіркелген, екінші данасы азамат Керімбекова Жұлдызда,

үшінші данасы Байболов Ұлықбек Сәрсенұлында сақталады.

Тараптардың қолы.

№8 СОӨЖ.

Сабақтың тақырыбы: Терминдік аударма жұмысын орындау.

Сабақтың мақсаты: Студенттердің білім деңгейлерін бағалау.

Печать

На документах, удостоверяющих права фирмы или должностных лиц,

фиксирующих факт расходования денежных средств и материальных

ценностей, а также предусмотренных государственными правовыми актами,

подпись ответственного лица должна быть заверена печатью, которая придает

документу юридическую силу.

В учреждениях, как правило, печати бывают двух видов: гербовая для гос-

предприятий или приравненная к ней круглая в коммерческих организациях и

несколько простых. Гербовая печать круглая, с изображением Государственного

герба РК в центре. По ее окружности указывается полное название учреждения.

Гербовая и круглая печати проставляются на подлинниках документов, тре-

бующих особого удостоверения: договорах, документах, связанных с получени-

ем денег и материальных ценностей (доверенности, чеки, платежные поручения

и т.д.), удостоверяющих личность, трудовой стаж, квалификацию (паспорт, тру-

довая книжка, диплом и т.д.).

Простые печати бывают различной формы: квадратные, треугольные, прямоу-

гольные и др. На них воспроизводится название учреждения или структурной час-

ти. В учреждении таких печатей может быть несколько, их оттиски проставляются

на справках и пропусках, копиях документов, выходящих за пределы учреждения,

размноженных экземплярах распорядительных документов при их рассылке, при

опечатывании пакетов, бандеролей, шкафов и дверей сейфов и т.д.

Обычные служебные письма, не связанные с финансированием, выполняются

на бланках и не требуют удостоверения печатью.

Оттиск печати проставляется таким образом, чтобы он захватывал часть

наименования должности лица, подписавшего документ, часть его личной подписи

и был хорошо читаемым.

В каждой организации составляется перечень документов, на которых

проставляется гербовая или круглая печать.

Ответственного за хранение и место хранения печати определяет

руководитель фирмы.

№9 СОӨЖ.

Сабақтың тақырыбы: Толық хаттаманың нысаны.

Сабақтың мақсаты: Толық хаттаманың нысанымен танысып, үлгі жаздырту.

Үлгімен танысыңыз:

"ҚАЗАҚСТАН ТЕМІР ЖОЛЫ"› Ұлттық компаниясы" ЖАҚ ұжымы жалпы

жиналысының

›

›››››››››››››››››››››››››››››››››››››››››››››››››››››››››››››››››››››››› №___ ХАТТАМАСЫ

›

____›_______, 20___ ж.

›

Қатысқандар: _____ адам / тізімі қоса беріліп отыр/

Қатыспағандар:____адам

Дәлелді себеппен: ____адам

Дәлелсіз себеппен: ____адам

Шақырылғандар:› ______________________________

››››››››››››››››››››››››››››››››______________________________aaa›

КҮН ТӘРТІБІ:

1. ››››››››››››› 1.›" Қазақстан Республикасы Президентінің «Тілдерді қолдану мен

дамытудың 2001 – 2010 жылдарға арналған мемлекеттік бағдарламасын»

жүзеге асыру мәселелері"

2. ››››››››››››››› 2.› Әр түрлі мәселелер.

›

ТЫҢДАЛДЫ:

Күн тәртібіндегі бірінші мәселе бойынша кәсіпорын директорының бірінші

орынбасарының баяндамасы.

›

СӨЙЛЕГЕНДЕР:

›

/сөздің қысқаша жазбасы/

›

›››››››››››› «_________________» Ұлттық компаниясының жалпы жиналысы ҚАУЛЫ

ЕТТІ:

1. Қазақстан Республикасы Президентінің «Тілдерді қолдану мен

дамытудың 2001– 2010 жылдарға арналған Мемлекеттік бағдарламасының»

орындалуы ______________________________міндеттелсін.

››››››››››› 2. Бағдарламаны жүзеге асыруға ұжым мүшелерінің белсенді ат салысуы

жөніндегі шаралар белгіленсін.

›