?иличбоев О. Сборник сценариев / Сценарийлар тўплами

Подождите немного. Документ загружается.

ҳолимда телбаларча кула бошладим. Ана шунақа қилиб, мен

ҳушёрхонага тушиб қолдим. Ишимни судга оширишди. Мана

натижа: 2 йил шартли”

Раис: Ёшлар газетаси мухбирининг гувоҳлик кўрсатмалари-

ни тинглаймиз.

Мухбир: мен хизмат сафари чоғимда танишиб қолган бир

одамнинг тақдири ҳақида ҳикоя қилмоқчиман:

У ўзини Ҳинди деб таништирди. Ҳаммаси у 15 ёшлик ўсмир-

лигида бошланган экан. Кечки пайтларнинг бирида дўстлар

одатдагидек ҳовлида йиғилишган ва атаман ҳамманинг қўлига

биттадан наша урилган сигарета тутқаза бошлади. Агар у

мактабни ёқиб юборинглар деса – ўйлаб ҳам ўтирмай ёқиб

юборардик, фақат бир-икки марта тортишга берса бўлгани.

Йиллар ўтди. Ҳинди уйланди. У қизлик бўлди. Лекин у

ҳамон гиёҳвандлик билан шуғулланар, бу ҳам камлик қилгандек

хотинини ҳам оғуга ўргатган эди. Мана, кунларнинг бирида

болани бувисига қолдириб, у хотини билан катта миқдордаги

гиёҳвандлик моддалар заҳирасини қўйнига уриб Петропавловск-

Камчатский томонга йўл олишди. Йўлда хотини уч кишилик

дозани қабул қилди ва оғир аҳволда Владивостокдаги касал-

хонага ётқизилди. Аммо, шифокорлар ҳарчанд уринишмасин

уни қутқаришнинг имкони бўлмади.

Хотинининг вафоти куни у наркотиклар қабул қилишни

ташлашга сўз берди. Аммо, бу у ўйлаганчалик осон иш эмасди,

ақли ҳушидан айрилишига ҳам оз қолди. Унга тинимсиз галю-

цинациялар (мия чалғиши), уйқусизлик, кучли бош оғриқлар

азоб бера бошлади, мунтазам керакли дозани қабул қилишга

бўлган ташналик юрак-бағрини ўртаб юборарди. Ҳар қалай у

ҳалокатдан омон қолди. Бахтига у, бир денгизчи билан танишиб

қолади ва у билан 8 ойга сузишга кетворади. Янги дўстлар, янги

муҳит унга тўлалигича бу дарддан халос бўлишга кўмаклашади.

Ҳинди қизини тарбиялаш учун уйига олиб кетмоқчи бўлди.

Аммо, қизининг эси пастлигини билиб қолиб, ундан воз кечиш

фикри туғилиб қолди. Ҳатто, ҳозир ҳам

у миясига келган бу

фикрдан уялиб юради. У қизини даволатиш учун касалхонага

ётқизади ва бутун ишдан бўш вақтини унинг ёнида ўтқазади.

Оғир дарддан халос бўлиш, унга ана шунақа қимматга тушган

эди. Парчаланган ҳаёт, хотинининг ўлими, эси паст қиз….

Мен гувоҳлик бераманки, айбдорнинг ҳамтовоқлари нарко-

тикларни сотувчилар ҳисобланади.

Залдан келган овоз: Мен оналар номидан сўзга чиқмоқ-

чиман.

Раис (кенгашади): Сўз онага берилади.

1-судъя: Мазкур айблов бўйича гувоҳлар нималарни

тўлдириши мумкин?

Залдан келган овоз: Менга сўз беринг. Гуноҳларнинг

айбловларини тўлдиришга рухсат этинг.

Раис: Марҳамат қилиб ўзингизни таништиринг.

- Менинг Серёжам меҳрибон, юмшоқ, одобли бола бўлиб

улғайди. Спорт билан қизиқарди, бир неча маротаба самбо

бўйича мусобақаларда қатнашиб, ғолиб чиққан ва тўсатдан….

Қаердан келди, бу бало? Ўғлимга заҳарли тиғлари билан маҳкам

ёпишиб олганча, хароб

қилди. Серёжа одамови бўлиб қолди,

жуда озиб кетди. Уйга сиғмай қолди, нуқул аллақаерларга чиқиб

кетади, шубҳали давралар пайдо бўла бошлади. Ушбу офатга

қарши курашга бир ўзим киришдим. Бир дақиқа бўлсин, уни

ёлғиз қолдирмасликка уриндим, ҳатто дарс пайтида ҳам.

Аммо, ўғлим, афсуслар бўлсинки, ўзини тўхтата олмади.

Шунда мен куч билан уни дўхтирга

олиб бордим. Даволашни

бошлашди, аммо у ёрдам бермади. Кейин у Сливинодаги вилоят

касалхонасида ётди. Бир оз яхшиланиш бошланди-ю, аммо у ҳам

кўпга чўзилмади. Сергей ўз дўстини учратиб қолди-ю, ҳамма

уринишларим бесамар кетди. Яна сафарлар, давралар, тўсатдан

ғойиб бўлишлар. Айни ана шу мураккаб даврда йўлимизда

ажойиб инсон Анатолий Николаевич Настич пайдо бўлди.

Ўғлим учун, унинг дўстлари учун қанчадан-қанча куч, соғлиги,

вақтини кетказмади, ҳаммасини санаб чиқиш қийин. Қўшни

вилоятдаги ЛТП (меҳнат билан даволаш профилактикаси)дан

жой ундириб, транспортни ҳам ўзи топиб, болаларни ўша ерга

олиб борди.

Серёжанинг хатлари дастлаб совуқ, маъносиз эди, фақат

орадан ярим йил ўтибгина даволанишнинг илк белгилари куртак

бера бошлади. Сережа оила, таниш болалар билан қизиқиб

қолди, келгусига режалар туза бошлади. Унинг қизиқишлари

доираси ҳам кенгая борди, қалби ҳам, ақли ҳам мунтазам

равшанлаша бошлади. Оналик қалбим билан ҳис этмоқдаманки,

ўғлим тўлақонли ҳаётга қайтиши мумкин, фақат ғалаба онлари

келгунга қадар куч-қудрати етса бўлгани.

Шифокор: Мен, шифокор нарколог сифатида, касбим тақо-

зосига кўра, наркоманиядек даҳшатли оғу билан кунда тўқнаш

келишимга тўғри келади. Ўйлайман-у, ҳеч ўйимнинг тагига

етолмайман, менинг беморларимнинг касаллик тарихида, аниқ-

роғи “ёши” деган бандида худди хатога йўл қўйилгандек.

Ўзингиз ўйлаб кўринг, 15-29 ёшли ўспиринлар ва қизларнинг

чеҳралари шунақанги шишинқираган, рангпар, тишлари ва

сочлари тўкилган ҳолда ҳам бўладими! Пижама остидаги озғин

қўллари ва венадаги жигаррангдаги нуқталар, айрим инъекция

қилинган жойларда эса битмаётган яра-чақалар. Уларнинг

деярли ҳаммаси юрак ва ўпка етишмовчилиги, артритдан азият

чекишади. Юраклари чарчаб бўлган, томирлари нозик. Уларни

гиёҳванд моддалар шу куйга солиб қўйган. Гиёҳванд моддалар-

ни бир неча бор қабул қилгандан сўнг уйқусизлик бошланади,

қувватсизлик, иштаҳанинг йўқолиши, озиб кетиш кабилар содир

бўлади. Бу ёғи – ундан баттар: хотира сусаяди, апатия юзага

келади, шубҳаланиш, мушакларда оғриқлар, тиришиш, бош

оғриғи, юрак фаолиятининг тушиб кетиши, психоз. Нароктиксиз

инсон энди яшай олмайди. Бўғимларнинг зирқираб оғриши ва

жисмоний оғриққа инсон зоти чидаши қийин. Беморга барча

аъзолари иш фаолиятини тугатгандек, у ўлиб қоладигандек

туюлаверади. Замонавий тиббий ёрдам бўлмаганда летал ҳолат,

яъни ўлим юз бериши муқаррар эди. Биз, врач – наркологларга,

қария наркоманларни даволаш насиб этмайди, негаки нарко-

манлар ҳатто ўртача ёшга етиб боришлари ҳам даргумон. Ўлим

сабабчиси, гиёҳванд моддалар дозасини ошириб юборганлик

бўлиши мумкин. Вақтида препаратни ололмаган гиёҳванд ўзи-

нинг жонига қасд қилишдан ҳам тоймайди

. Ашаддий гиёҳванд –

бу тирик мурдалар. Гиёҳвандликнинг ҳар хил турлари турлича

кечади. Аммо марраси ҳамма учун бирдек.

Мазкур оғуни даволашдан кўра, олдини олган минг марта

афзал. Мана, нима учун нафақат биз шифокорлар, милиция

ходимлари ва шунингдек ҳар бирингиз, кичкинагина бўлса-да,

офат белгиси кўрдикми, индамай ўтиб кетишга ҳаққимиз йўқ.

Суд якунида прокурор сўз олади ва айблов нутқини ўқийди.

- Жамоат учун хавфли жиноятчи бўлган гиёҳвандлик

инсоният учун жиддий кулфатлар туғдириб, кўплаб ҳаётларни

барбод қилмоқда, шу жумладан болалар ва ўсмирлар ҳаётига

зомин бўлмоқда.

Судда тингланган фикрлар, айблов даъволарини эътиборга

олиб, энг олий жазо – ўлим жазосини талаб қиламан.

Раис: Ҳукмни ўқиб эшитттириш учун ҳамманинг ўрнидан

туришини сўрайман! Судда кўрилган барча материалларга асос-

ланиб, гиёҳвандликнинг ўта хавфлилиги исботлангани учун

ҳукм эълон қилинади: Ўлим жазоси! Ҳукм қатъий, эътирозга

ўрин йўқ.

“ОДОБЛИ – ЭЛДА АЗИЗ”

мавзусидаги бадиий мусиқий кеча сценарийси

(Тадбир учун танланган залда одоб-ахлоқ мавзусидаги

адабиётлар кўргазмаси ташкил этилади. Унга мавзуга мос

адабиётлар, газета ва журнал мақолалари қўйилади).

Кечанинг бошловчилари саҳнага чиқиб келадилар.

1-бошловчи: Ассалому алайкум кечамизга ташриф буюрган

азиз меҳмонлар!

2-бошловчи: Ассалому алайкум даврамиз иштирокчилари,

бугунги кечамизга хуш келибсиз.

1-бошловчи: Биз бугунги кечамизни “Одобли – элда азиз”

деб номладик.

Инсон азизлиги адаб туфайли,

Элда лазизлиги адаб туфайли,

Катта-ю кичикка ёқимлилиги,

Ширин тамизлиги адаб туфайли.

2-бошловчи: Дарҳақиқат, инсонни маънавий жиҳатдан гўзал

қиладиган одамийлик, меҳнатсеварлик каби сифатлар орасида

ахлоқ-одоб шарти ҳам муҳим ўрин тутади.

1-бошловчи: Албатта. Келинг бугунги кечамизни очиқ деб

эълон қилсакда, коллежимиз талабаси ........ ижросида дилбар

бир қўшиқ тингласак. Марҳамат.

(қўшиқ янграйди)

2-бошловчи: Раҳмат.

1-бошловчи: Наргиза! Шу десангиз амакимнинг катта

ўғиллари Германияда ўқийди. Куни кеча улардан e-mail орқали

хат олдим. Ундаги маълумотдан шуни билдим- ки, Германияда

яшасангиз сизни меҳмонга таклиф этишса, сиз мезбонникига

бирор ҳамроҳ билан борсангиз уни меҳмон қилмасликлари

оддий ҳол ҳисобланар экан.

2-бошловчи: Бўлиши мумкин. Бизнинг миллатимиз ва ғарб-

даги кишиларнинг менталитети айрича. Масалан, кўпчили-

гимиз Ғарб фильмларини томоша қиламиз. Унда америкалик

йигит ўзи креслода ўтириб, оёқларини кулдон ва ичимлик ашё-

лари турган столчага чалиштириб ташлаб, ором олади ва бу

унинг учун табиий ҳол ҳисобланади. Ўзбек учун эса столга ёки

хонтахтага оёқ қўйиб ўтириш ўта одобсизликдир.

1-бошловчи: Келинг, шу каби тафовутлар ҳақида сўзлаб

беришни Лондонда бир неча йил ўқиб, ишлаб, келган

.............дан илтимос қилсак. Марҳамат.

(тадбир иштирокчисининг чиқиши)

2-бошловчи: Раҳмат.

1-бошловчи: Биласизларми, уч минутлик кулги ўн беш

минутлик эрталабки гимнастика машқи ўрнини босар экан.

2-бошловчи: Келинг, бўлмаса маза қилиб кулишиб олиш

учун навбатни кечамизга ташриф буюрган вилоятимизнинг

таниқли қизиқчиси ..........га берсак. Марҳамат.

(қизиқчининг чиқиши)

1-бошловчи: Раҳмат. Барчамиз мириқиб кулишдик. Бир

неча кунлик, гимнастика машқи нормасини ҳам бажариб олдик.

2-бошловчи: Шундай деса ҳам бўлади.

1-бошловчи: Ҳикматларда айтиладики, кишининг сўзи

унинг фазлини баён қилувчи ақлига таржимондир.

Биласанми, тилинг недур оғизда,

Ақл хонасига калит доимо!

Эшик ёпиқ бўлса билиб бўлмайди,

Хона ичра девми, фариштами ё!

2-бошловчи: Биз ҳамиша чиройли кийинишни хоҳлаймиз ва

бу ташқи шаклга мойиллик, лекин маънавий оламимизда

чиройли гапириш, ширин муомала ҳам инсоннинг мазмунан

чиройли бўлишини таъминлайдиган омил эканини унутамиз.

1-бошловчи: Инсоннинг хулқи энг аввало нутқида кўрина-

ди, сўзлашида намоён бўлади. Ҳозирги кунда ёшларимиз ораси-

да, кўча-кўйда, бозорда тез-тез эшитилиб турадиган “короче”,

“шес секунд” каби сўзларга қулоқларимиз ўрганиб бораяпти.

2-бошловчи: Келинг, сўз учун навбатни филолог ......га

берсак. Улар бизга юқорида айтиб ўтилган салбий ҳолатлар

бўйича ўз фикр-мулоҳазаларини билдирсалар, марҳамат.

(филологнинг чиқиши)

1-бошловчи: Раҳмат. Келгуси ишларингизда омад тилаймиз.

2-бошловчи: Ҳозир навбатни коллежимиз талаба-

си...........га берамиз. Улар бизга дуторда ажойиб бир куй ижро

этиб берадилар. Марҳамат.

(дуторда …..куйи янграйди)

1-бошловчи: Раҳмат. Мана кечамиз ҳам ўз поёнига етиб

қолди. Бугунги тадбиримиз сизларга манзур бўлди, деган

умиддамиз.

2-бошловчи: Умид қиламизки, кечамизда тилга олинган

инсоннинг энг гўзал сифати, яъни одоб-ахлоқи мавзусидаги

тадбиримиз сўнгги учрашувимиз эмас. Сизлар билан яна бошқа

шу каби тадбирларда кўришгунча хайр, деб қоламиз.

“САМАРҚАНДНИНГ ЁШИ НЕЧАДА?”

мавзусидаги китобхонлар конференцияси сценарийси

Танлаб олинган мавзу бўйича китобхонлар конференция-

сини ўтказиш учун 1 ой олдин тайёргарлик ишлари бошланади.

Бунинг учун аввал кутубхоналарда, муассасаларда, олий ўқув

юртларида, мактабларда, жамоат ташкилотларида эълон ёзила-

ди, таклифномалар юборилади. Конференция учун жой, яъни

қироатхона танланади, мавзуга бағишланган адабиётлар кўргаз-

маси ташкил қилинади. Адабиётлар кўргазмасидаги асарлар

юзасидан обзор ўтказиш айни муддаодир. Тингловчилардан

конференция вақтида мавзу юзасидан туғилган фикр-мулоҳаза-

ларини билдиришлари сўралади.

Конференцияга тарихчилар, археологлар, манбашунослар,

шарқшунослар, геологлар, турли фан соҳалари олимлари конфе-

ренция ташкилотчилари томонидан таклиф қилинади.

Олиб борувчи қуйидаги сўзлар билан уни очиши мумкин:

Ассалому алайкум конференция қатнашчилари, азиз меҳмон-

лар! Дунёда бир-биридан гўзал зебу зийнатга бой, ўтмиши

маънодор шаҳарлар кўп. Ҳар қайси нозикдид инсонни ҳайратга

соладиган мозий дурдоналари-сержило, фусункор меъморий

обидалар ҳам оз эмас. Аммо Самарқанд асрларга сирдош ноёб

тарихи, бугунги қиёфаси ва нурафшон келажаги билан барчаси-

дан гўзал, пурмаъно шаҳар. Зотан у шоирлар назмида ер

юзининг сайқали, шарқ гавҳари деб бежиз таърифланмаган.

Бугун биз сизлар билан Самарқанднинг бой ўтмиши, хусусан

унинг ёши нечада эканлигини, шу мавзудаги фикр-муло-

ҳазаларни, турли қарашларни эшитамиз. Самарқанднинг ёши,

мана 35 йил бўлдики, расмий равишда 2500 йилдан иборат, деб

белгиланган. Бу сана 1970 йилда халқаро ЮНЕСКО ташкилоти

томонидан расмий равишда қайд қилиниб, байрам сифатида

тантанали равишда нишонланган. Лекин маҳаллий зиёлилар,

қатор олимлар Самарқанднинг ёши кам деганда уч ёки тўрт

минг йил билан белгиланиши керак, деб ҳисоблайдилар. Шу

хусусида, ҳозир сўзни йирик олим, тарихчи ________________га

берамиз.

Марҳамат!

Тарихчи олим: Азиз конференция иштирокчилари, ҳақиқат-

дан ҳам бундай қараш кўпроқ Шарқ манбаларига, ривоятларига

ва афсоналашиб кетган, аслида тарихий шахс бўлган Афросиёб

тарихига асосланар эди. Шуни ҳам тан олиш керакки, у пайт-

ларда ушбу дунёқарашдаги кишиларнинг ихтиёрида тўла исбот

бўларли археологик материаллар етишмас эди. Археология фани

ҳам ўтган асрнинг 40-йилларигача у қадар ривожланган эмасди.

Самарқанд воҳасида Тали Барзу ёдгорлигида қазишма ишларини

олиб борган Г.В.Григорьев Ўрта Осиё археологларининг ичида

биринчи бўлиб ёдгорликни қатламма-қатлам қазийди ва бундай

услубда ишлаш бошқа археологларга ҳам намуна бўлади.

Шундан кейин Афросиёбда ва Тошкент воҳасида А.И.

Тереножкин қазишмалар олиб бориб, “CoчЧач” деган мақола-

сида Самарқанднинг энг қадимги даврлардан илк ўрта асрлар-

гача бўлган тараққиётини кўрсатиб берди. А.И.Тереножкин

Самарқанд ёшини 2500 йил, деб турган пайтда унга қарши

чиққанлар ҳам бўлган. Масалан, ўша ўтган асрнинг 60-70

йилларда Самарқанднинг мудофаа деворлари бўйича номзодлик

диссертациясини ёқлаган М.Пачос “Афросиёбда ўрта асрлардан

илгариги қатламлар йўқ” деган хулосани айтган. Профессор

И.И.Умняковнинг фикрига кўра, Самарқанднинг қадимги

тарихи, яъни ёшини белгилаш учун шарқ манбалари етарли

эмасди. Бу манбалар афсоналар билан аралашиб кетган, деган

тушунча устувор эди. Афросиёб даврига оид ёзиб қолдирилган

манбалар бўлмаганлиги учун Самарқанднинг ёшини Александр

Македонскийнинг Марказий Осиёга кириб келиши ва

Самарқандни босиб олиш даври билан белгилаш урф бўлган.

Александр Македонскийнинг йилномачилари Самарқанд ҳақида

биринчи марта аниқ, батафсил ёзма маълумот қолдирган расмий

тарихчилардир. Шундан келиб чиқиб, Самарқанднинг тарихи

2300 йилдан иборат, - дейди Умняков. Бундай асоссиз фикрга

қарши “Самарқанд бутун дунёда енгилмас деб донг таратган А.

Македонскийнинг сараланган қўшинларига қақшатқич зарба

бериб, катта-катта талафотлар етказган машҳур шаҳар бўлса-ю,

энди унинг тарихи шу фотиҳ томонидан забт этилишига қараб

белгиланса, бу адолатданми?” деган мантиқни бошқа бир гуруҳ

тарихчилар билдирган. Шундай бир пайтда таниқли олим

Иброҳим Мўминов бошчилигида республика олимлари тўпла-

ниб, Самарқанднинг халқаро миқёсга молик юбилейини

хурсандчилик билан ўтказиш учун икки хил дунёқарашдаги

фикрлар, эътирозларни эътиборга олиб, ўртадан яхлит 2500

йиллик санани танлашди. Оқибатда ҳар икки фикр тарафдор-

лари ҳам бу хулосани қабул қилишга мажбур бўлдилар. Шундай

қилиб, Самарқанднинг расмий тарихи 2500 йил, деб эълон

қилинди. Ва 1970 йилнинг кузида Самарқанднинг 2500 йиллик

тўйи тантанали равишда ўтказилди.

Олиб борувчи:

Домла, тўлиқ ва мароқли суҳбатингиз учун сизга катта

раҳмат! ЮНЕСКО ташкил топганлигининг 60 йиллиги муноса-

бати билан чақирилган Бош Конференциянинг 33-сессияси

доирасида мазкур ташкилотнинг ташқи алоқалар бўйича

комиссия йиғилишида 2006-2007 йиллар учун юбилей сана-

ларини тасдиқлаш масаласи кўриб чиқилди. Жумладан,

ЮНЕСКО йилномаси саналари руйхатига Самарқанд шаҳри-

нинг 2750 йиллик айёмини киритилганлигини ҳаммамиз

биламиз. Нега энди 2750 йиллик тўйи, ваҳоланки 1970 йилда

2500 йиллигини нишонлаган бўлса, бирданига бундай сана

деган савол туғилади. Шу хусусида бизларга тарихчи

___________________дан сўзлаб беришни илтимос қиламиз.

Марҳамат.

Тарихчи: Ассалому алайкум! Ҳақиқатдан ҳам, Самарқанд

ёшини аниқлашда археолог олимлар асосан Афросиёб хароба-

ларини ўраб турган мудофаа деворларининг ғиштларига

асосланишган. Бироқ ўша энг қадимий деб ҳисобланган

деворнинг тагида яна бир бошқа девор қолдиғи бўлиб, у деворга

илгари ҳеч ким аҳамият бермаган экан. Деворларнинг тагидаги

девор кейинги девордан фарқли ўлароқ, гувалаклардан тиклан-

ган экан. Бу қатламни археологлар кейин кашф этдилар ва

Самарқанд тарихи ҳақида мавжуд хулосалар сўнгги ҳақиқат

эмаслигини пайқадилар. Мустақиллик йилларида бу борадаги

ишлар янада кучайтирилди. Кўплаб қазишма ишлари натижа-

сида, ер сатҳидан 10-15 метр чуқурликда жойлашган қатлам-

лардан милоддан аввалги IX-VII аср ўрталарига оид ноёб

ашёлар топилган. Бу, биринчидан, қўлда ясалган рангли-нақшли

сопол идишларнинг парчалари бўлса, иккинчидан, гуваладан

ясалган, қалинлиги 7 метр келадиган мудофаа девори қолдиқ-

ларининг топилишидир.

Самарқанд шаҳри ёшини аниқлашда ана шу аниқ маълумот-

ларнинг аҳамияти беқиёс эди. Чунки гуваладан қурилган

мудофаа девори Афросиёбнинг 19 гектарлик арк қисмини

бутунлай ўраб олган. “Кўктепа” мудофаа девори тагидан олин-

ган намуналар дунёда тан олинган Франция илмий-тадқиқотлар

миллий марказига қарашли Жив-Сюр-Инвест шаҳридаги кучсиз

радиоктивлик лабораториясида тадқиқ қилинган. Лаборатория

тадқиқотларида Афросиёб қуйи қатламларидаги намуналар

айнан милоддан аввалги VIII асрга, аниқроғи, 2750 йиллик

қадимиятга тааллуқли эканлиги исботланди. Хуллас, археологик

материаллар, жаҳонда тан олинган илмий лаборатория усуллари,

сўнгги текшириш технологиялари асосида Самарқанднинг ёши

2750-3000 йилга тенглиги, Римнинг тенгдоши эканлиги, ҳозирги

энг нуфузли халқаро илмий мезонларда аниқланди. Лекин бу

ҳам барча саволларга нуқта қўйилди, деган гап эмас. Самарқанд-

нинг ёшини, топономикасини аниқлаш, янги-янги илмий

тадқиқотлар олиб бориш муаммоси долзарблигича қолмоқда . . .

Олиб борувчи: Қизиқарли суҳбатингиз учун раҳмат. Сизлар

билан биргаликда маърузаларни тингладик. Қани марҳамат,

кимда қандай саволлар бор?

Савол:Тингловчи______________________ Самарқандда олиб

борилган қазишма ишларида қайси соҳа вакиллари қатнашган?

Тарихчи: Бу ишларни олиб боришда дунёга танилган

франциялик академик олимлар, шарқшунос археологлар, жумла-

дан Порл Бернар, илк ўрта асрлардаги Марказий Осиё ҳудуд-

ларида тарқалган динлар бўйича йирик тадқиқотчи, профессор

Франс Грене, қадимги ирригация, экология бўйича мутахассис,

жуғрофия профессори Авер Жантель, швейцариялик истеъдодли

олим Клод Рапен, қадимги кулолчилик бўйича мутахассис

Бертилл Лионе, ўзбек археолог олимлари профессор М.

Исомиддинов, А.Анорбоев, ёш олим, тангашунос А.Отахўжаев-

лар Афросиёбда режали равишда унинг энг қуйи маданий

қатламларини диққат билан ўргандилар.

Олиб борувчи: Мана бугун биз сизлар билан Самарқанд-

нинг тарихи қадимий ва бой эканлиги, ушбу табаррук замин

ҳақида кенг ҳажмдаги фикр-мулоҳазаларга эга бўлдик.

Ҳурматли конференция меҳмонлари ва китобхонлар! Энди

сизларни Самарқанднинг 2750 йиллигига бағишлаб ташкил

қилинган адабиётлар кўргазмаси намойишига таклиф қиламиз.