Осмонов О.Дж. Кыргызстан тарыхы

Кыргызстан тарыхы –мамлекетибиздин бардык окуу жайларында милдеттүү түрдө окула турган сабак. Өз мекенинин тарыхын билбеген адамды билимдүү деп эсептөөгө болбойт. Тарыхты үйрөнүү адамдын жан дүйнөсүн байытып, саясий деңгээлин көтөрөт, аны өзүнүн көз карашы бар атуул катары калыптандырат. Окуу китеби Кыргызстан тарыхын окуу жайларында окутуу боюнча мамлекеттик концепциянын жана стандарттын талаптары боюнча даярдалды. Эмгекте Кыргызстандын тарыхынын урунттуу учурлары чагылдырылып, аларды тереңдетип үйрөнүү үчүн ар бир темага орчундуу адабияттардын тизмеси берилди. Студенттерге, мугалимдерге жана жалпы эле кыргыз элинин тарыхына кызыккандарга арналды. Орто мектептердин 10–11-класстарынын окуучулары да пайдаланса болот. Китептин алтынчы басылышында окурмандардын сын пикирлери эске алынды.