Сямашка Я.I. Армія Краёва на Беларусі

Мінск: Беларускае выдавецкае Таварыства "Хата", 1994. — 270 с. — ISBN 985-6007-09-7. Гэту кнігу пачытае беларус, паляк, рускі, украінец, літовец. Успрымуць неадназначна. Але не застануцца абыякавымі. Ніхто. Перакананасць наша ад ведання матэрыялаў, фактаў. Прыведзеныя дакументы, верыцца, нікога не пакінуць абыякавым. Ні таго, каго саджалі, ні таго, хто саджаў. Дзейнасць Арміі Краёвай на Беларусі да гэтага часу — фактычна "белая пляма" для нашага чытача. Пры напісанні кнігі аўтар выкарыстаў шматлікую літаратуру, выдадзеную на Захадзе, асабліва ў Польшчы, матэрыялы архіваў. Многія прыведзеныя ў кнізе дакументы друкуюцца ўпершыню. Ахопліваюцца падзеі ад верасня 1939 г. да жніўня 1954 г. Дадзены слоўнік незразумелых слоў і тэрмінаў. Для масавага чытача. Армія Краёва: зараджэнне, дзейнасць, фініш. Невядомыя старонкі беларускай гісторыі. I не толькі беларускай — польскай, рускай, літоўскай, украінскай таксама.
Жыццё даваеннай і пасляваеннай Беларусі ў непрыфарбаваным выглядзе. Дэпартацыі. Рэпрэсіі. Падполле. Дыверсіі. Тэрор.
Жорсткія кровапралітныя сутычкі. Клубок супярэчнасцяў.
Трагічныя лёсы ўдзельнікаў драматычных падзеяў суровага ваеннага часу.
Пошукі выйсця з заблытаных гістарычных лабірынтаў. Два бакі рэабілітацыі.
Гародня, Вільня, Палессе, Менск, Варшава, Ліда, Масква, Лондан — у гэтых і іншых мясцінах жывуць і змагаюцца героі і антыгероі кнігі.
Першая кніга на Беларусі і СНД (СССР), дзе амаль поўная непрычасаная праўда пра Армію Краёву.
Гэта не чытанка для душы, гэта кніга для роздуму і сэрца.