Сауліч Уладзімір. Сабака з залатым зубам

Трагікамедыя ў дзвюх дзеях. Выходных дадзеных няма. Па жанру гэта камедыя, але з сумнымі ноткамі. Яна вучыць цаніць спрадвечныя сямейныя каштоўнасці, не ставіць матэрыяльны дабрабыт вышэй за ўсё. Галоўны герой, начальнік медвыцвярэзніка маёр Козлікаў, не цэніць ні маці, ні жонку, у яго ўсюды знаёмыя, ён можа дастаць любую даведку — нават аб сваёй смерці. Яна спатрэбілася яму, каб аформіць сваю маці ў дом састарэлых. Але маці забраў да сябе яе вясковы сусед Язэп, а галоўны герой у рэшце рэшт застаецца адзін. А пахавальнае бюро прывозіць яму на дом дамавіну і вянок.
– Людзі, жывы я ці не? – усклікае ў канцы твора галоўны герой.