Азатпай №01 (журнал)

Эл Алтай, 2013. — 18 бӱк. Тепуков Эрмек и др. (aвтор-сост.). Јакшылар ба, кару балдар, ада-энелер! Јылан јылдыҥ торко јайында «Азатпай» журнал слерле нӧкӧрлӧжӧргӧ, кеен Алтайыска алтап кирди. Куштыҥ јаҥы туулган балазын азатпай деп айдадыс. Ада-энелер су-јаш балазын јажыркадып, «азатпайым» дежет. Оныҥ да учун эҥ кичинек болчомдорыстыҥ журналы «Азатпай» деп атту болуп калды. «Азатпай» балдарга укаалу чӧрчӧктӧр, јилбилӱ куучындар, сӱӱнчилӱ ӱлгерлер сыйлаар, табышкактар, тапкыштар таптырар, куулгазынду јакылталар ла сурактар берер, ойнодор, кожоҥдодор, јурандырар. Алтайыстыҥ ончо балдарын «Азатпайдыҥ» туулганыла уткып, билгирдиҥ јараш телекейине кычырып јадыс.